13823

वक्तृत्व स्पर्धेत स्पृहा दळवी प्रथम
दोडामार्ग : वेताळ प्रतिष्ठान सिंधुदुर्ग आयोजित जिल्हास्तरीय वक्तृत्व स्पर्धेत दोडामार्ग केंद्रशाळा क्र. एकच्या तिसरीतील स्पृहा दळवी हिने सलग तिसऱ्या वर्षी प्रथम क्रमांक पटकावला. या स्पर्धेमध्ये पहिली ते सातवी या गटात जिल्ह्यातील अनेक स्पर्धकांनी सहभाग घेतला. या गटाला ‘सुसंस्कार-यशाचे रहस्य’ हा विषय होता. द्वितीय क्रमांक श्रेयस रेडकर (सावंतवाडी), तृतीय प्रांजल नार्वेकर (उभादांडा शाळा क्र.३), तर उत्तेजनार्थ क्रमांक चिन्मई बागवे (सावंतवाडी), ज्ञानेश्वरी तांडेल (तुळस) यांना विभागून देण्यात आला. स्पर्धेचे परीक्षण प्रा. वैभव खानोलकर, प्रा. प्रगती चव्हाण यांनी केले. या स्पर्धेचे पारितोषिक वितरण ११ जानेवारीला अश्वमेध या महोत्सवात होणार आहे. स्पृहा हिला शाळेतील शिक्षकांचे तसेच पालकांचे मार्गदर्शन मिळाले. सलग तीन वर्ष प्रथम क्रमांक मिळवून हॅट्रिक करणाऱ्या स्पृहाच्या यशाचे सर्वस्तरावरून कौतुक होत आहे.