17429

बेकायदा उत्खननाविरोधात
महेश सावंत यांचे उपोषण
सिंधुदुर्गनगरी, ता. १३ ः वेत्ये-सोनुर्ली (ता. सावंतवाडी) येथे सुरू असलेल्या बेकायदा काळ्या दगड उत्खननामुळे शासनाच्या महसुलाला मोठा फटका बसत असल्याचा आरोप करत निगुडे (ता. सावंतवाडी) येथील सामाजिक कार्यकर्ते महेश सावंत यांनी जिल्हाधिकारी कार्यालयासमोर उपोषण सुरू केले आहे. उत्खननासंदर्भातील अटी व शर्तींचे सऱ्हास उल्लंघन होत असतानाही प्रशासनाकडून कारवाई होत नसल्याचा आरोप त्यांनी केला आहे. वेत्ये, सोनुर्लीसह तालुक्यातील इतर सर्व काळ्या दगडाच्या खाणींची सखोल चौकशी करून दोषींवर कठोर कारवाई करण्यात यावी, तसेच शासनाच्या नुकसानीची वसुली करावी, अशी प्रमुख मागणी श्री. सावंत यांनी केली आहे. प्रशासनाने तातडीने दखल न घेतल्यास उपोषण तीव्र करण्याचा इशाराही त्यांनी दिला आहे.