-rat13p10.jpg-
P26O17397
साखरपा ः गटारात गेलेला मिक्सर.
-----
सिमेंट मिक्सर गटारात कलंडला
साखरपा, ता. १३ ः रत्नागिरी-कोल्हापूर महामार्गावर दाभोळे येथील धोकादायक वळणावर आज सकाळी चालकाच्या अतिघाईमुळे आणि बेसावधगिरीमुळे एक सिमेंट मिक्सर थेट रस्त्याच्या कडेला असलेल्या बंदिस्त गटारात शिरला. सुदैवाने, समोरून कोणतेही वाहन नसल्याने मोठा अनर्थ टळला आहे.
सकाळी सव्वादहाच्या सुमारास सिमेंट मिक्सर दाभोळे गावातील वळणाजवळून जात होता. चालक जितेंद्र शर्मा हा गाडी रस्त्याच्या कडेला थांबवत होता; मात्र रस्त्याच्या कडेला असणारे बंदिस्त गटार समजले नाही आणि गाडी बंदिस्त गटाराचा कडप्पा तोडून आत शिरली. गाडीच्या वजनामुळे गटारावर टाकलेले कडाप्पे (स्लॅब) मोडून गाडीचे एक चाक पूर्णपणे आत रूतले. या विचित्र अपघातात गाडी रस्त्याच्या कडेला कलली.