swt53.jpg
22230
पतित पावन भक्ती मंदिर

मळेवाड येथे रविवारी
प्रकट दिन सोहळा
सकाळ वृत्तसेवा
आरोंदा, ता. ५ः श्री गजानन महाराज प्रकट दिन सोहळ्यानिमित्त रविवारी (ता. ८) मळेवाड येथील पतित पावन भक्ती मंदिर व श्री गजानन महाराज मंदिरात विविध धार्मिक, सांस्कृतिक कार्यक्रमांचे आयोजन केले आहे. सकाळी ६.३० वाजता पाद्यपूजा व पंचामृत महाअभिषेक, महाराजांची महापूजा, ८ वाजता श्रींची महापूजा, ९.३० वाजता रामहृदय स्तोत्र अनुष्ठान, १० वाजता श्री. गोरे बुवा (तुळस) यांचे कीर्तन, दुपारी १२ वाजता महानैवेद्य, १२.३० वाजता आरती, १.३० वाजता महाप्रसाद, झुणका भाकर प्रसादाचे वाटप, २ वाजता गायन, सांस्कृतिक कार्यक्रम, महिला मंडळाचे भजन, गायक रुपेंद्र परब व सहकाऱ्यांचा त्यानंतर ‘संगीत स्वररजनी’ कार्यक्रम, सायंकाळी ५ वाजता ओंकार प्रासादिक भजन मंडळ, सरमळे बुवा संजय गावडे यांचे भजन, ७ वाजता महाराजांची पालखी प्रदक्षिणा, ८.३० वाजता महाआरती, ९.३० वाजता लेखक वैभव परब, रुपेश कवठणकर दिग्दर्शित रेन्बो फ्रेंड सर्कल कवठणी प्रस्तुत विनोदी नाटक ''आलाय मोठा शहाणा'' सादर करण्यात येणार आहे. या प्रकट दिन सोहळ्यास भाविक भक्तांनी उपस्थित राहण्याचे आवाहन पतित पावन भक्ती मंदिर, श्री गजानन महाराज सेवा मंडळ, मळेवाड व ग्रामस्थांनी केले आहे.