- rat९p१.jpg-
P२६O२३०८७
रत्नागिरी ः माता रमाई, सावित्रीबाई फुले जयंतीसाठी कार्यक्रमाला उपस्थित पदाधिकारी.
-----
रत्नागिरीत माता रमाई जयंती साजरी
सकाळ वृत्तसेवा
रत्नागिरी, ता. ९ ः दी बुद्धिस्ट सोसायटी ऑफ इंडिया (भारतीय बौद्ध महासभा) रत्नागिरी जिल्हा आणि तालुका महिला विभागाच्यावतीने माता रमाई भीमराव आंबेडकर व क्रांतिज्योती सावित्रीबाई फुले यांचा संयुक्त जयंती महोत्सव उत्साहात साजरा करण्यात आला. जिल्हा रुग्णालयाशेजारील डॉ. बाबासाहेब आंबेडकर स्मारक भवन येथे रविवारी (ता. ८) हा सोहळा संपन्न झाला.
रत्नागिरीत झालेल्या या कार्यक्रमाचे अध्यक्षस्थान दीपाली जाधव यांनी भूषवले. महिलांना प्रेरणा देण्यासाठी आयोजित या महोत्सवात प्रमुख मार्गदर्शक म्हणून प्रादेशिक मनोरुग्णालयाच्या अधीक्षक डॉ. संघमित्रा फुले-गावडे, सामाजिक कार्यकर्त्या शिवानी माने आणि औषध निर्माण अधिकारी स्वप्नाली जाधव उपस्थित होत्या. या वेळी दी बुद्धिस्ट सोसायटी ऑफ इंडियाचे जिल्हाध्यक्ष एल. व्ही. पवार, प्रदेश सचिव दीपक जाधव, कोषाध्यक्ष शिवराम कदम, थिबा राजा कालीन बुद्धविहार बचाव संघर्ष समितीचे सल्लागार सुनील आंबुलकर, अशोक जाधव आणि वासनिक यांनीही आपले विचार व्यक्त करत उपस्थितांना मार्गदर्शन केले.
हा महोत्सव यशस्वी करण्यासाठी जिल्हाध्यक्षा स्मिता कांबळे, उपाध्यक्षा दीपाली जाधव, खजिनदार मानसी तांबे, सरचिटणीस अवंतिका कांबळे यांनी विशेष परिश्रम घेतले तसेच तालुकाध्यक्षा अस्मिता कांबळे, नीलिमा जाधव, विनया जाधव, स्वाती कांबळे, अर्चना पवार, अंजिरा आयरे, दर्शना कांबळे, भारती पवार आणि प्रीती जाधव या महिला पदाधिकाऱ्यांच्या सहकार्याने हा कार्यक्रम शिस्तबद्ध पद्धतीने पार पडला. ज्योती सावंत यांनी सूत्रसंचालन केले.