‘ईगल तायक्वांदो’च्या खेळाडूंची भरारी
रत्नागिरी ः रत्नागिरी जिल्हास्तरीय खुल्या तायक्वांदो स्पर्धेत ईगल तायक्वांदो सेंटरच्या खेळाडूंनी पदार्पणातच चांगली भरारी घेतली. अभ्युदयनगर येथील बहुउद्देशीय सभागृह येथील ईगल तायक्वांदो सेंटरमध्ये प्रशिक्षण घेणारे खेळाडू या स्पर्धेत सहभागी झाले होते. यातील क्योरोगी म्हणजेच (फाईट) या प्रकारात पीवी गटात १४ किलो वजनाखाली आर्या ढवणने सुवर्णपदक मिळवले. सबज्युनिअर मुलींच्या ३२ किलोखालील गटात आराध्या लोखंडेने रौप्यपदक मिळवले. नायशा कांबळेने पुमसे प्रकारात पेअरमध्ये रौप्य आणि ग्रुपमध्ये कास्यपदक मिळवले. ईगल तायक्वांदो सेंटरच्या प्रशिक्षिका संकेता सावंत आणि सहप्रशिक्षिका सई सावंत यांच्याकडे हे खेळाडू घडत आहेत.