२४०८३

ठाकरे शिवसेनेतर्फे कुडाळात
विजयी उमेदवारांचा सत्कार
सकाळ वृत्तसेवा
कुडाळ ः नुकत्याच झालेल्या जिल्हा परिषद आणि पंचायत समिती निवडणुकीत पिंगुळी जिल्हा परिषद मतदारसंघातून ठाकरे शिवसेनेचे गंगाराम सडवेलकर आणि पंचायत समितीत ममता राऊळ यांनी विजय प्राप्त केला. येथील शिवसेना शाखेत आज माजी आमदार वैभव नाईक यांच्या हस्ते श्री. सडवेलकर व ममता राऊळ यांचा पुष्पगुच्छ देऊन सत्कार करण्यात आला. शिवसेना पदाधिकाऱ्यांकडून पुढील वाटचालीस शुभेच्छा देण्यात आल्या. यावेळी युवासेना जिल्हाप्रमुख मंदार शिरसाट, अमित राणे, कपिल म्हापसेकर, सचिन ठाकूर, दत्तगुरू राऊळ, दिनेश मेस्त्री, गौरव सडवेलकर, धीरेंद्र चव्हाण आदी पदाधिकारी, कार्यकर्ते उपस्थित होते.

विजयदुर्ग समुद्रात
नौकेवर कारवाई
देवगड : समुद्रात एलईडीद्वारे मासेमारी करणाऱ्या एका मच्छीमार नौकेवर येथील मत्स्यव्यवसाय विभागाच्या पथकाने कारवाई केली. तालुक्यातील विजयदुर्ग समोरील समुद्रात ही कारवाई केली. संबंधित मच्छीमार नौका येथील बंदरात आणण्यात आली असून, पुढील आवश्यक कार्यवाही सुरू होती.