Urban transport of ST will start from Monday in Ratnagiri 
कोकण

गुड न्यूज ! रत्नागिरीत सोमवारपासून सुरू होणार एसटीची शहरी वाहतूक

मकरंद पटवर्धन

रत्नागिरी : रत्नागिरी एसटी आगाराची शहरी वाहतूक येत्या सोमवारपासून ( 21) सुरू होणार आहे. शहरात येणार्‍या नोकरदार वर्गासाठी ही खूषखबर आहे. यासंदर्भात एसटी विभागाने प्रसिद्धीपत्रक दिले आहे. पुरेशी काळजी घेऊन टप्प्याटप्प्याने वाहतूक सुरळित करण्यात येणार आहे. प्रवाशांनी मास्क वापरणे अत्यावश्यक आहे. गाड्या निर्जंतुकीकरण करून वापरण्यात येणार आहेत. यासाठी गाड्यांचे नियोजन करण्यात येत आहे.


कोरोना लॉकडाऊनमुळे 23 मार्चपासून शहरी एसटी वाहतूक ठप्प करण्यात आली. त्यानंतर प्रथमच ती पुन्हा सोमवारी सुरू करण्यात येत आहे. लॉकडाऊन कालावधीत चालक, वाहक आगारामध्ये हजेरीसाठी येत होते. तसेच अनेक कर्मचार्‍यांची कोरोना अँटीजेन टेस्टही करण्यात आली आहे. रिक्षा व खासगी वाहतुकीद्वारे नोकरीसाठी येणे शहराजवळील तरुणांना कठीण होत होते. आता शहरी वाहतूक सुरू होणार असल्याने हे सर्व तरुण आनंदित झाले आहेत.


रत्नागिरी शहरी आगारातून सडामिर्‍या, पिरंदवणे, हातीस, काळबादेवी, डफळवाडी, म्हामूरवाडी, रेल्वेस्टेशन, बसणी, पाडावेवाडी, कसोप, वायंगणी, खेडशीनाका, खेडशी फणसवळे, चिंचखरी वेसुर्ले, मजगाव, मिरजोळे, सतीवाडी, फणसोप, आडी, करंदीकरवाडी, कारवांचीवाडी, आंबेकोंड, तोणदे, दांडेआडम, आनंदनगर, शिवरेवाडी, भगवती, गयाळवाडी, गुरुमळी, भावेआडम, आडी, जुवे आदी गावांत फेर्‍या सुरू करण्यात येणार आहेत. त्यासाठी चालक, वाहक, कर्मचार्‍यांचे नियोजन केले जात आहे. नोकरदार, शहरवासियांना फायदा होणार आहे.

रत्नागिरीत साधारणपणे 1965 च्या दरम्यान शहरी बसवाहतूक सुरू झाली. महाराष्ट्रात केवळ 13 शहरांमध्ये एसटी महामंडळातर्फे शहरी बसवाहतूक सुरू आहे. त्यामुळे ग्रामीण भागातून मोठ्या प्रमाणात विद्यार्थी, नोकरदार प्रवासी शहरी वाहतुकीमुळे शहरात येऊ शकतात. शहराजवळील पंधरा किलोमीटरच्या टप्प्यातील सुमारे 30 गावांमध्ये शहरी बससेवा सुरू आहे. कोरोनानंतर आता या गावांमध्ये पुन्हा एसटी सुरू होणार असल्याने ग्रामस्थांनी आनंद व्यक्त केला.

संपादन - अर्चना बनगे

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

IND vs ENG 3rd Test: तुमचा अभिमान! शुभमन गिल पराभवानंतर काय म्हणाला? सामना नेमका कुठे फिरला हे सांगितलं, जसप्रीतबाबत...

Video: सर्वच सीमा ओलांडल्या! फेमस होण्यासाठी बाईकवर जोडप्याचं नको ते कृत्य, लोकांनी व्हिडिओ बनवून व्हायरल केला

IND vs ENG 3rd Test: मोहम्मद सिराज दुर्दैवी पद्धतीने बाद झाला, रवींद्र जडेजा हतबल दिसला; इंग्लंड तिथेच जिंकला Video

Mhada Lottery: मुंबईकरांना म्हाडाकडून आनंदवार्ता! ५ हजारहून अधिक घरांची लॉटरी जाहीर; 'असा' करा अर्ज

ENG vs IND, 3rd Test: जडेजा लढला, पण इंग्लंडने लॉर्ड्स कसोटी जिंकली! १९३ धावा करतानाही भारताची उडाली भंबेरी

SCROLL FOR NEXT