रत्नागिरी - जिल्ह्यातील सार्वजनिक पिण्याच्या पाण्याचे स्रोत जीपीएसद्वारे निश्‍चित करण्याचे आदेश शासनाने जिल्हा परिषद स्वच्छता व पाणीपुरवठा विभागाला दिले होते. जिल्ह्यातील साडेसात हजारापैकी 5 हजार 668 पाण्याचे स्त्रोत जिओ टॅगिंग झाले आहे. त्याची माहिती एका क्‍लिकवर एमआरएसएसी (MRSAC) या पोर्टलवर मिळणार आहे. भविष्यात याच स्रोतावरुन पाणीपुरवठा योजना राबविण्यात येणार आहेत. 

राष्ट्रीय ग्रामीण पेयजल कार्यक्रमात मुख्यत्वे ग्रामीण जनतेला सार्वजनिक पाणीपुरवठा योजनेद्वारे पाणी पुरवठा करणे, पाण्याची गुणवत्ता राखणे यासाठी जिल्ह्यातील स्रोत निश्‍चित करून त्याची माहिती जीपीएसद्वारे पोर्टलवर टॅगिंग करण्याचा निर्णय ग्रामविकास विभागाने घेतला होता. त्यानुसार गेले दोन वर्षे त्याची माहिती पोर्टलवर घेतली जात आहे. यामध्ये नळपाणी योजना, विहिरी, झरे, हातपंप यांचा समावेश आहे.

हेही वाचा - लयभारी ! महिला बचत गटांनी फुलवली 15 एकर शेती 

सविस्तर माहिती होणार उपलब्ध

ऑफलाईन सर्वेक्षणात जिल्ह्यात 7 हजार 790 स्रोत आहेत. पहिल्या टप्प्यात 3 हजार 802 स्रोतांची माहिती एका क्‍लिकवर आणली गेली. गतवर्षी 1 हजार 866 स्रोत जिओ टॅगिंग करण्यात आले. पाणी उपलब्ध असलेली माहिती पोर्टलवर उपलब्ध होणार आहे. हे स्रोत दूषित केव्हा झाले होते, पाणी शुद्धीकरण केव्हा करण्यात आले, सद्यस्थितीत त्याचा वापर होतो किंवा नाही, जिओ टॅगिंग कुणी केले आहे, याची सविस्तर माहिती एका क्‍लिकवर मिळणार आहे. 

बंद असलेले स्रोतही जिओ टॅगिंग 

माहिती एका ठिकाणी संकलित असल्यामुळे राष्ट्रीय पेयजल अंतर्गत पाण्याचे स्रोत शोधण्याची आवश्‍यकता लागणार नाही. कायमस्वरुपी बंद असलेले स्रोतही जिओ टॅगिंग केले जात आहेत. जेणेकरुन त्यावरुन पाणी पुरवठा योजना राबविल्या जाणार नाहीत. 

हेही वाचा - काय सांगता ! कोकणात हायटेक भटजी 

जीपीएसद्वारे निश्‍चित केलेले तालुकानिहाय पाण्याचे स्रोत  

• दापोली - 37 
• मंडणगड - 22 
• गुहागर - 347 
• रत्नागिरी - 356 
• लांजा - 161 
• संगमेश्‍वर - 454 
• राजापूर - 138 
• खेड - 149 
• चिपळूण - 202