दक्षिण आफ्रिका संघाला नेहमीच तुल्यबळ आणि बलाढ्य संघ मानलं जातं. पण आतापर्यंत या संघाला एकही विश्वचषक जिंकता आला नाही. दक्षिण आफ्रिका संघाला आतापर्यंत आयसीसीचा एकाही खिताब जिंकता आलेला नाही. आयसीसीचा पुढील टी-20 विश्वचषक भारतात होणार आहे. याआधी भारतीय संघाचा माजी खेळाडू आणि विद्यमान आकाश चोप्रानं दक्षिण आफ्रिका संघाबाबत मोठं वक्तव्य केलं आहे. आपल्या युट्युब चॅनलवर आकाश चोप्रानं दक्षिण आफ्रिका संघाची लाज काढली.

दक्षिण आफ्रिका संघात विश्वचषक जिंकण्याचा दम नाही. एबी डिव्हिलिअर्सनं पुन्हा क्रिकेट खेळणार नाही, असं स्पष्ट केलं आहे. गेल्या काही दिवसांपासून एबी डिव्हिलिअर्स दक्षिण आफ्रिका संघात पुनरागमन करणार असल्याच्या चर्चा सुरु होत्या. मात्र, एबी आपण पुन्हा आंतरराष्ट्रीय क्रिकेटमध्ये परतणार नसल्याचं स्पष्ट केलं. एबीनं संघात पुनरागमन केलं असतं तर दक्षिण आफ्रिका संघ विश्वचषक जिंकण्याचा प्रबळ दावेदार होता. मात्र, आता विश्वचषक जिंकण्याचा या संघात दम नाही. एबीसारखा खेळाडू मिळणं कठीण आहे, असं चोप्रा म्हणाला.

दक्षिण आफ्रिका संघा चांगले खेळाडू आहे. पण हा संघ विश्वचषक जिंकू शकतो का? माझ्या मते तर नाही. दक्षिण आफ्रिका विश्वचषक जिंकूच शकत नाही. हा संघ चांगली कामगिरी करु शकतो. इतर संघाच्या प्लॅनवर पाणी फेरु शकतो.मात्र विश्वचषक जिंकू शकत नाही. टी-20 विश्वचषक भारतात होऊ दे नाहीतर युएईमध्ये... परिस्थिती कशीही असो. दक्षिण आफ्रिका संघ विश्वचषक जिंकू शकत नाही. संपूर्ण स्पर्धेत चांगल कामगिरी करतील मात्र, मोक्याच्या क्षणी ढेपाळतली. या संघाला मोक्याच्या क्षणी पुढे कसं जायचं याबाबत फारशी माहिती नाही. त्यामुळे विश्वचषक जिंकण्याबाबात मनात साशंकता आहे, असे चोप्रा म्हणाला.