AB De Villiers : आरसीबीचा माजी खेळाडू एबी डिव्हिलियर्सचा एक व्हिडिओ सध्या सोशल मीडियावर व्हायरल होत आहे. एबी डिव्हिलियर्स युझवेंद्र चहलबद्दल एका यूट्यूब शोमध्ये बोलत होता. त्यावेळी डिव्हिलियर्स युझवेंद्र चहल तू माझी कारकीर्द संपवलीस असं म्हणाला. युझवेंद्र चहल आणि एबी डिव्हिलियर्स हे दोघे ऑन आणि ऑफ द फिल्ड चांगले मित्र आहेत.

युझवेंद्र चहल आणि एबी डिव्हिलियर्स यांच्यातील हे संभाषण डिव्हिलियर्सच्या 360 शो या यूट्यूब चॅनलवर झाला. यावेळी डिव्हिलियर्सने 2018 ला भारत दक्षिण आफ्रिका दौऱ्यावर असतानाचा एक किस्सा सांगितला. यावेळी चहल माझ्यापेक्षा हुशार निघाला असं तो म्हणाला.

डिव्हिलियर्स हासत म्हणाला की, 'मी माझ्या घरच्या मैदानावर सेंच्युरियनवर खेळत होते. मला आठवतं की तो दिवस खूप गरम होता. मी 30 धावांवर खेळत होतो. मला खूप कंटाळा आला होता त्यामुळे काही चौकार मारून धावा करूयात असं वाटलं. मात्र युझवेंद्र चहलने चलाखी दाखवली. तो बुद्धीबळपटू आहे. त्याला लगेच समजलं की मी काय करण्याचा प्रयत्न करतोय.'

'त्याने माझी दांडी गुल केली. मला अजूनही बेल्स उडाल्याचा तो आवाज आठवतो. याबद्दल युझी तुझे आभार मी निवृत्त होण्यामागचं खरं कारण तोच होता.'

डिव्हिलियर्स पुढे म्हणला की, 'जेव्हापासून तू माझी वनडे कारकीर्द संपवली. तू माझ्या कबरीचा शेवटचा खिळा ठोकलास. आता तू म्हण की मी तुझा बनी आहेस.'

युझवेंद्र चहल पुन्हा एकदा दक्षिण आफ्रिका दौऱ्यावर आला आहे. भारतीय संघातून अनेक महिन्यांपासून दूर असलेल्या युझवेंद्र चहलची अखेर दक्षिण आफ्रिका दौऱ्यावरील तीन वनडे सामन्यांच्या मालिकेसाठी निवड झाली आहे. ही मालिका 17 डिसेंबरपासून सुरू होत आहे.

(Sports Latest News)