Andre Russell 6 Consecutive Sixes In 6 Balls : वेस्ट इंडिजचा स्टार अष्टपैलू खेळाडू आंद्रे रसेल पुन्हा एकदा मैदानात धुमाकूळ घालताना दिसला आहे. यावेळी 6IXTY स्पर्धेच्या (The 6ixty Tournament) 9 व्या सामन्यात त्रिनबागो नाइट रायडर्सकडून खेळताना, रसेलने सेंट किट्स अँड नेव्हिस पॅट्रियट्सविरुद्ध 72 धावांची तुफानी खेळी खेळली. फलंदाजीदरम्यान रसेलने विरोधी गोलंदाजांची पूर्ण धुव्वा उडवली. रसेलनेही सलग सहा चेंडूंत सहा षटकार ठोकले.

आंद्रे रसेलने सेंट किट्सविरुद्ध 6 चेंडूत 6 षटकार मारण्याचा पराक्रम केला आहे, परंतु हे सर्व षटकार रसेलच्या बॅटमधून एकाच षटकात आले नाहीत. खंर तर रसेलने प्रथम डॉमिनिक ड्रेक्सविरुद्ध शेवटच्या चार चेंडूंवर चार षटकार मारले आणि त्यानंतर पुढच्याच षटकात जॉन रस जग्सरने पहिल्या दोन चेंडूंमध्ये दोन उत्तुंग षटकार मारून हा पराक्रम पूर्ण केला.

आंद्रे रसेल मैदानात धुमाकूळ घालत होता. त्याने अवघ्या 24 चेंडूत 72 धावा केल्या. रसेलच्या बॅटमध्ये 5 चौकार आणि गगनचुंबी 8 षटकार पाहायला मिळाले. या दरम्यान त्याचा स्ट्राईक रेट 300+ होता. रसेलच्या खेळीच्या जोरावर त्रिनबागो नाईट रायडर्स संघाने 10 षटकांत 155 धावा केल्या.

या सामन्याबद्दल बोलायचे झाले तर, नाणेफेक हारल्यानंतर प्रथम फलंदाजी करणाऱ्या त्रिनबागो नाईट रायडर्सने सेंट किट्स अँड नेव्हिस पॅट्रियट्ससमोर 60 चेंडूत 5 गडी गमावून 156 धावांचे लक्ष्य ठेवले. या लक्ष्याचा पाठलाग करताना सेंट किट्स संघाला निर्धारित षटकांत चार गड्यांच्या मोबदल्यात 152 धावाच करता आल्या. संघासाठी खालच्या क्रमवारीत शेरफेन रदरफोर्डने अवघ्या 15 चेंडूत 50 धावांचे स्फोटक अर्धशतक झळकावले, पण तोही संघाला विजय मिळवून देण्यात अपयशी ठरला.