Asia Cup 2023 Ind vs Pak : भारत आणि पाकिस्तान यांच्यातील आशिया कप 2023 चा तिसरा सामना पल्लेकेले येथील पल्लेकेले आंतरराष्ट्रीय स्टेडियमवर खेळला जात आहे. या सामन्यात भारतीय संघाच्या दोन खेळाडूंना मोठा धक्का बसला आहे.

कर्णधार रोहित शर्माने दोन खेळाडूंना प्लेइंग इलेव्हनमधून वगळले आहे. भारतीय संघ सध्याच्या स्पर्धेत पहिला सामना खेळत आहे, तर पाकिस्तान संघ दुसरा सामना खेळत आहे. भारताने नाणेफेक जिंकून प्रथम फलंदाजी करण्याचा निर्णय घेतला आहे.

अनुभवी वेगवान गोलंदाज मोहम्मद शमी, सूर्यकुमार यादव आणि अष्टपैलू अक्षर पटेल यांना प्लेइंग इलेव्हनमध्ये संधी मिळालेली नाही. रोहितने बुमराह आणि सिराजचा वेगवान गोलंदाज म्हणून संघात समावेश केला आहे, तर हार्दिक पांड्या आणि शार्दुल ठाकूर हे वेगवान गोलंदाज अष्टपैलू म्हणून आहेत. फिरकी विभागाची जबाबदारी जडेजा आणि कुलदीप यादव यांच्या खांद्यावर असणार आहे.

भारत : रोहित शर्मा (कर्णधार), शुभमन गिल, विराट कोहली, श्रेयस अय्यर, इशान किशन (यष्टीरक्षक), हार्दिक पांड्या (उपकर्णधार), रवींद्र जडेजा, शार्दुल ठाकूर, कुलदीप यादव, जसप्रीत बुमराह, मोहम्मद सिराज.

पाकिस्तान : फखर जमान, इमाम उल हक, बाबर आझम (कर्णधार), मोहम्मद रिझवान (यष्टीरक्षक), आगा सलमान, इफ्तिखार अहमद, शादाब खान, मोहम्मद नवाज, शाहीन आफ्रिदी, नसीम शाह, हरिस रौफ.