Asian Athletics Championships Lord Hanuman Mascot : भारत हनुमानाची भक्तीभावाने पूजा केली जाते. हनुमान हा शक्तीचा आणि भक्तीचा देवता म्हणून ओळखला जातो. आता हेच हनुमान थायलंड येथे होणाऱ्या एशियन अ‍ॅथलेटिक्स चॅम्पियनशिपसाठी अधिकृत शुभंकर असणार आहे. ही स्पर्धा बँकॉक येथे बुधवारपासून सुरू होणार आहे.

अ‍ॅथलेटिक्स एशियन असोसिएशनने आपल्या वेबसाईटवर सांगितले की, 'हनुमान यांनी प्रभू रामचंद्रांच्या सेवेत असताना आपल्या वेग, शक्ती, साहस आणि सूज्ञपणाचे प्रदर्शन केले होते. हनुमानाचे सर्वात महत्वाचे गुण हे त्याची निष्ठा आणि भक्ती आहेत.'

'25 व्या एशियन अ‍ॅथलेटिक्स चॅम्पियनशिप 2023 चा लोगो हा सहभागी खेळाडूंचे कौशल्य, सांघिक कामगिरी, चपळपणा, समर्पण, खिलाडूवृत्तीचं प्रतिक आहे.'

भारतीय अ‍ॅथलेटिक्स संघाचे नेतृत्व हे गोळाफेकपटू तजिंदरपाल सिंग तोमर करणार आहे. त्याच्या सोबत लांब उडीपटू मुरली श्रीशंकर देखील या स्पर्धेत सहभागी होणार आहे. या स्पर्धेत भारतीय खेळाडू प्रभावी कामगिरी करतील अशी आशा आहे. पाच दिवस चालणाऱ्या एशियन अ‍ॅथलेटिक्स चॅम्पियनशिप 2023 मध्ये सहभागी होण्यासाठी भारतीय संघ रवाना झाला आहे.

(Sports Latest news)