कॅनबेरा: ऑस्ट्रेलिया तब्बल 24 वर्षानंतर पाकिस्तानच्या दौऱ्यावर जाणार आहे. या दौऱ्यातून अनेक दिग्गज खेळाडू माघार घेण्याची शक्यता वर्तवण्यात येत होती. त्यातच आता 18 सदसीय कसोटी संघाची घोषणा क्रिकेट ऑस्ट्रेलियाने (Cricket Australia) केली. या संघाचे नेतृत्व पॅट कमिन्स (Pat Cummins) करत आहे. तर उपकर्णधार म्हणून स्टीव्ह स्मिथची (Steve Smith) निवड करण्यात आली आहे. याचबरोबर मुळचा पाकिस्तानी असलेल्या उस्मान ख्वाजाचीही (Usman Khawaja) अॅशेस मालिकेतील दमदार कामगिरीनंतर संघात वर्णी लागली आहे.
ऑस्ट्रेलिया (Australia Mens Cricket Team) ऐतिहासिक पाकिस्तान दौऱ्यावर 3 कसोटी सामन्यांची मालिका खेळणार आहे. या मालिकेतील पहिला सामना 4 मार्चला रावळपिंडी स्टेडियमवर खेळवला जाणार आहे. दुसरी कसोटी 12 मार्चला कराचीत तर तिसरी कसोटी 21 मार्चला लाहोरच्या गद्दाफी स्टेडियमवर होईल. कसोटी मालिकेनंतर दोन्ही देशात 4 वनडे सामन्यांची मालिका देखील होणार आहे.
या वनडे मालिकेतील पहिला सामना 29 मार्च, दुसरा सामना 31 मार्च, तिसरा सामना 2 एप्रिल आणि चौथा सामना 5 एप्रिलला होणार आहे. वनडे मालिकेतील सर्व सामने हे रावळपिंडी क्रिकेट स्डेडियमवर होणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.