KKR Star Pat Cummins Opts Out Of IPL 2023 : आयपीएल 2023 च्या आधी कोलकाता नाईट रायडर्सला धक्का बसला आहे. सॅम बिलिंग्सनंतर ऑस्ट्रेलियाचा कर्णधार पॅट कमिन्सनेही आगामी 2023 च्या आयपीएल मध्ये न खेळण्याचा निर्णय घेतला आहे. व्यस्त आंतरराष्ट्रीय वेळापत्रकामुळे कमिन्सने हा निर्णय घेतला आहे. कमिन्सच्या आधी इंग्लंडचा स्टार फलंदाज सॅम बिलिंग्सनेही या हंगामात न खेळण्याचा निर्णय घेतला आहे.

पॅट कमिन्सने कोलकाता नाईट रायडर्स कडून शेवटच्या तीन आयपीएल स्पर्धा खेळल्या आहे, परंतु दुखापतीमुळे त्याला आयपीएल 2022 मध्ये फक्त पाच सामने खेळता लागले. त्यामुळे आगामी हंगामात केकेआरला त्याची उणीव भासू शकते.

हेही वाचा : Gautami Patil- लावणीचा बाजच अश्लीलतेचा?

कमिन्सने त्याच्या अधिकृत ट्विटर अकाउंटवरून ट्विट करून आगामी आयपीएलमध्ये खेळणार नसल्याची माहिती दिली. त्याने लिहिले की, 'पुढच्या वर्षी आयपीएल न खेळण्याचा मी निर्णय घेतला आहे. पुढील 12 महिन्यांचे आंतरराष्ट्रीय वेळापत्रक कसोटी आणि एकदिवसीय मालिकांनी भरलेले आहे, त्यामुळे ऍशेस मालिका आणि विश्वचषकापूर्वी मी थोडी विश्रांती घेईन. केकेआरला मला समजून घ्या, तुमचे खूप खूप आभार. खेळाडू आणि कर्मचार्‍यांचा इतका अद्भुत संघ आणि मी लवकरात लवकर तिथे परत येण्याची आशा करतो.

घरच्या भूमीवर नुकत्याच झालेल्या टी-20 विश्वचषक स्पर्धेत कमिन्सची कामगिरी निराशाजनक होती, चार सामन्यांत 44.00 च्या सरासरीने केवळ तीन विकेट्स घेतल्या. कमिन्सची खराब कामगिरी हे देखील गतविजेत्या ऑस्ट्रेलियाला उपांत्य फेरीतून बाहेर काढण्याचे एक कारण होते. कमिन्सचे संपूर्ण लक्ष आता जून 2023 मध्ये सुरू होणाऱ्या इंग्लंडविरुद्धच्या ऍशेस मालिकेवर आहे.