भारत आणि वेस्ट इंडीज (India vs West Indies) यांच्यातील तीन टी 20 (T20I Series) सामन्यांची मालिका कोलकात्याच्या इडन गार्डनवर (Eden Gardens) रंगणार आहे. दरम्यान, बीसीसीआयने (BCCI) रविवारी होणाऱ्या तिसऱ्या टी 20 सामन्यात प्रेक्षकांना (Spectators) प्रवेश देण्याची परवानगी बंगाल क्रिकेट असोसिएशनला दिली आहे.

क्रिकेट असोसिएशन ऑफ बंगालने (Cricket Association of Bengal) बीसीसीआयकडे इडन गार्डनच्या सगळ्या प्रेक्षक गॅलरींच्या अप्पर ब्लॉक स्टँडमध्ये चाहत्यांना प्रवेश देण्याची परवानगी मागितली होती. बीसीसीआयने क्रिकेट असोसिएशन ऑफ बंगालची ही विनंती बीसीसीआयने तिसऱ्या टी 20 (3rd T20I) सामन्यासाठी मान्य केली आहे.

बंगाल क्रिकेट बोर्डाचे प्रमुख अविषेक दालमिया यांनी सांगितले की, बीसीसीआय अध्यक्ष सौरभ (Sourav Ganguly) गांगुलीने 'इतर पदाधिकाऱ्यांबरोबर चर्चा केल्यानंतर तुमची वेस्ट इंडीजविरूद्धच्या शेवटच्या टी 20 सामन्यात प्रेक्षकांसाठी इडन गार्डनची दारे उघडण्याची तुम्हाला परवानगी देत आहोत.' असा मेल केला आहे.

बुधवारी आणि शुक्रवारी होणाऱ्या पहिल्या दोन टी 20 सामन्यासाठी काही प्रेक्षकांना मैदानातून सामना पाहण्यास परवानगी देण्यात आली आहे. वेस्ट इंडीजविरूद्धची अहमदाबादच्या नरेंद्र मोदी स्टेडियमवरील तीन सामन्यांची वनडे मालिका बंद दाराआड खेळवण्यात आली होती.

सध्या पश्चिम बंगालमध्ये कोरोना रूग्णसंख्येत मोठी घट झाल्याचे दिसून येत आहे. सरकारच्या आकडेवारीनुसार 15 फेब्रुवारीला राज्यात फक्त 133 नवे कोरोना रूग्ण आढळून आले होते.