भारतीय संघ दक्षिण आफ्रिकाविरुद्धच्या मालिकेनंतर आयर्लंड आणि इंग्लंडच्या दौऱ्यावर जाणार आहे. तत्पूर्वी टीम इंडियासाठी मोठी बातमी समोर आली आहे. इंग्लंडचा नवनियुक्त कसोटी कर्णधार आणि तुफानी अष्टपैलू बेन स्टोक्स मर्यादित षटकांच्या मालिकेसाठी उपलब्ध होणार नाही. असे एक मुलाखतीमध्ये स्पष्ट झालं आहे.

भारताच्या इंग्लंड दौऱ्याची सुरुवात १ जुलैपासून उर्वरीत पाचव्या कसोटी सामन्याने होणार आहे. त्यानंतर तीन सामन्यांच्या टी-२० आणि तीन सामन्यांच्या एकदिवसीय मालिका खेळवण्यात येणार आहे. त्यापूर्वी टीम इंडियाला सुखद धक्का देणारी माहिती समोर आली आहे.

इंग्लंडचा मर्यादित षटकांचा कर्णधार इयान मॉर्गनने नुकत्याच दिलेल्या एका मुलाखतीत स्टोक्सच्या न्यूजला दुजोरा दिला. कसोटी सामन्याव्यतिरिक्त टीम इंडिया इंग्लंडमध्ये तीन सामन्यांची एकदिवसीय आणि टी-20 सिरीजदेखील खेळणार आहे. अशातच मॉर्गनने दिलेल्या माहितीनुसार बेन स्टोक्स सिरीजमधन आऊट झाला आहे.