Prithvi Shaw Selfie Row : भारतीय क्रिकेटर पृथ्वी शॉ पुन्हा एकदा चर्चेत आला आहे. पृथ्वी शॉचा एक व्हिडिओ सोशल मीडियावर मोठ्या प्रमाणात व्हायरल होता. सोशल मीडियावर व्हायरल झालेल्या व्हिडिओमध्ये हाणामारी झाल्याचे दिसून आले होते. पृथ्वी शॉ आणि एका तरुणीमध्ये बाचाबाची झाली होती. त्याचवेळी या प्रकरणानंतर पृथ्वी शॉच्या मित्राच्या गाडीवर हल्ला झाला. हे प्रकरण पोलिसात देखील गेले होते. 

ही घटना बुधवारी सायंकाळी चारच्या सुमारास घडली होती. यादरम्यान पृथ्वी शॉ त्याच्या मित्रासोबत कारमध्ये बसला होता. त्यानंतर काही लोक तेथे आले आणि त्यांच्यासोबत सेल्फी घेण्यास सांगितले. पृथ्वीने नकार दिल्यानंतर त्याच्या कारवर बेसबॉलच्या बॅटने हल्ला करण्यात आला. चाहत्यांनी क्रिकेटपटूच्या कारची विंडशील्ड तोडली आणि ५० हजार रुपयांची मागणीही केली, अशे तक्रारीत म्हटले आहे. 

पृथ्वी शॉ सोबत वाद झालेल्या तरुणीचे नाव सपना गील आहे. न्यायालयाने आरोपी सपना गिलला २० फेब्रुवारीपर्यंत पोलीस कोठडी सुनावली आहे. या प्रकरणी ओशिवरा पोलिसांनी आठ जणांविरुद्ध एफआयआर दाखल केला होता.