IND vs PAK T20 World Cup 2024 : भारत - पाकिस्तान सामन्यापूर्वी पीसीबीने पुन्हा एकदा नाटक करण्यास सुरूवात केली आहे. पीसीबीने आता आयसीसीकडे त्यांचे हॉटेल बदलण्याची मागणी केली आहे.

आयसीसीने पाकिस्तानचे हॉटेल हे मॅच व्हेन्यूपासून दूर आहे. आयसीसीने सुरक्षेचा विचार करून पाकिस्तानचे हॉटेल हे दूर ठेवले आहे. अमेरिकेत दहशतवादी हल्ल्याच्या धोक्याकडे खूप गांभाऱ्याने पाहिलं जातं. त्यामुळं पाकिस्तान संघाला त्यांच्याच सुरक्षेसाठी लांबच्या हॉटेलमध्ये ठेवण्यात आलं होतं.

पीसीबीच्या मागणीनंतर आता आयसीसीने पाकिस्तानचा संघाला नासाऊ स्टेडियमपासून अवघ्या 5 मिनिटाच्या अंतरावर असलेल्या हॉटेलमध्ये थांबवण्यात येणार आहे. पाकिस्तानचा संघ न्यूयॉर्कमध्ये 9 जूनला भारताविरूद्ध खेळणार आहे तर 11 जूनला कॅनडाविरूद्ध त्यांचा सामना याच मैदानावर होणार आहे. सध्या पाकिस्तानचा संघाचे हॉटेल हे 90 मिनिटाच्या अंतरावर आहे.

आयसीसीकडे हॉटेलवरून तक्रार करणारा पाकिस्तान हा एकमेव संंघ नाहीये. दक्षिण आफ्रिका आणि श्रीलंका संघ देखील हॉटेलवरून नाराज होते. भारतीय संघाने यापूर्वीच नासाऊ स्टेडियमपासून 10 मिनिटाच्या अंतरावर असलेलं हॉटेल बूक केलं आहे.

पाकिस्तानचा संघ :

बाबर आझम (कर्णधार), अब्रार अहमद, आझम खान, फखर झमान, हारिस रौऊफ, इफ्तिकार अहमद, इमाद वासिम, मोहम्मद अब्बास आफ्रिदी, मोहम्मद आमिर, मोहम्मद रिझवान, नसीम शाह, सैम आयुब, शादाब खान, शाहीन शाह आफ्रिदी, उस्मान खान.

(Cricket News In Marathi)