युएईमध्ये रंगलेला IPL चा हंगाम अखेर संपला आणि आता T20 World Cup ची धूमा सुरू झाली आहे. भारतीय संघाचे दोन सराव सामना आज आणि २० तारखेला होणार आहेत. त्यानंतर थेट २४ तारखेला भारत विरूद्ध पाकिस्तान हा हाय व्होल्टेज सामना रंगणार आहे. टी२० विश्वचषक स्पर्धेदरम्यान अनेक खेळाडूंच्या मुलाखती घेतल्या जातात हे चाहत्यांना वेगळं सांगायची गरज नाही. अशीच एक मुलाखत भारताचा अष्टपैलू खेळाडू हार्दिक पांड्याची सुरू होती. त्यावेळी त्याचा मुलगा थेट मुलाखती दरम्यान आला आणि त्याने धमाल केली.

BCCI ने एक छोटासा व्हिडीओ शेअर केला आहे. या व्हिडीओमध्ये हार्दिक पांड्या एक मुलाखत देत होता. त्याच वेळी त्याचा मुलगा अगस्त्य मुलाखतीच्या मध्येच आला. गोंडस अगस्त्य आपल्या बाबांना शोधत शोधत हार्दिक पर्यंत पोहोचला आणि बाबांशी गप्पा मारू लागला. मग हार्दिकने त्याच्या मुलाला छानपैकी समजावलं. इतकेच नव्हे तर हार्दिकची मुलाखत घेणाऱ्या माणसांनीही अगस्त्यशी झकास गप्पा मारल्या.

पाहा व्हिडीओ-

दरम्यान, हार्दिक गेल्या काही दिवसांपूर्वी एक शस्त्रक्रियेमुळे क्रिकेटपासून दूर होता. त्याच्यावरील यशस्वी शस्त्रक्रियेनंतर त्याला तंदुरूस्तीसाठी वेळ देण्यात आला. तो पूर्णपणे फिट असल्याचे स्पष्ट झाल्यानंतर त्या टीम इंडियामध्ये स्थान देण्यात आले. IPL सुरू होण्याआधीच विश्वचषक स्पर्धेसाठी संघ जाहीर केला होता. त्यात त्याला संघात स्थान देण्यात आले. पण IPL मध्ये हार्दिकला फारशी चांगली कामगिरी करता आली नाही. मुख्य मुद्दा म्हणजे त्याने एकही चेंडू गोलंदाजी केली नाही. अशा परिस्थितीत त्याच्या निवडीवर प्रश्न उपस्थित केले जात आहेत.