ICC Champions Trophy 2025 BCCI vice-president Rajeev Shukla Statement : आयसीसी चॅम्पियन्स ट्रॉफी 2025 ही पाकिस्तानमध्ये होणार यावर जवळपास शिक्कामोर्तब झालं आहे. आयसीसीचे पिच क्युरेटर आणि सुरक्षा टीम पाकिस्तानात पोहचली आहे. यानंतर भारतीय संघ पाकिस्तानात होणारी आयसीसी चॅम्पियन्स ट्रॉफी खेळण्यासाठी पाकिस्तानमध्ये जाणार का अशी चर्चा सुरू झाली आहे.

दरम्यान, बीसीसीआयने उपाध्यक्ष राजीव शुक्ला यांनी आज एएनआयला दिलेल्या मुलाखतीत बीसीसीआयची भुमिका स्पष्ट केली.

बीसीसीआयचे उपाध्यक्ष राजीव शुक्ला यांनी आज दिल्लीत बोलताना सांगितले की, 'जर चॅम्पियन्स ट्रॉफी 2025 पाकिस्तानमध्ये होणार असेल तर जे भारत सरकार सांगेल ते आम्ही करणार आहोत. जर सरकारने परवानगी दिली तर आम्ही आमचा संघ पाकिस्तानला पाठवणार. त्यामुळं आम्ही भारत सरकार जे काही सांगेल त्या प्रमाणेच करणार आहोत.'