India vs Bangladesh 1st Test: भारत आणि बांगलादेश संघात कसोटी मालिकेतील पहिला सामना चेन्नईतील एमए चिदंबरम स्टेडियमवर (चेपॉक) सुरू आहे. या सामन्यात भारतीय संघाचे वर्चस्व दिसून आले आहे. त्यामुळे भारतीय संघाच्या ड्रेसिंग रुममधील वातावरणही अगदी हलकफुलकं दिसत आहे.
या सामन्यादरम्यानचे अनेक व्हिडिओ सध्या व्हायरल होत आहेत. असाच ड्रेसिंग रुममधील एक व्हिडिओ सध्या व्हायरल होत आहे.
या व्हायरल होत असलेल्या या व्हिडिओमध्ये दिसते की ड्रेसिंग रुममध्ये भारतीय संघाचा मुख्य प्रशिक्षक गौतम गंभीर आणि फलंदाजी प्रशिक्षक अभिषेक नायर पुढे बसले आहेत. त्यांच्या मागे विराट कोहली, रोहित शर्मा आणि शुभमन गिल बसले आहेत.
यावेळी गंभीरच्या मागे रोहित, विराट आणि गिलची मस्ती चालू असून ते खळखळून हसताना दिसत आहे. त्यात गंभीरही नंतर सामील झाल्याचे दिसत आहे. हा व्हिडिओ भारताचा पहिला डाव सुरू असतानाचा आहे.
दरम्यान, सामन्याबद्दल सांगायचं झालं तर बांगालेदशने नाणेफेक जिंकून भारताला प्रथम फलंदाजीसाठी बोलावले होते.
यावेळी भारताने प्रथम फलंदाजी करताना ९१.२ षटकात सर्वबाद ३७६ धावा केल्या. भारताकडून आर अश्विनने सर्वाधिक ११३ धावांची खेळी केली, तर रविंद्र जडेजाने ८६ धावांची खेळी केली. त्याचबरोबर यशस्वी जैस्वालने ५६ धावा केल्या. बांगलादेशकडून गोलंदाजी करताना हसन मेहमुदने ५ विकेट्स घेतल्या.
त्यानंतर बांगलादेशने ४७.१ षटकात सर्वबाद १४९ धावा केल्या, त्यामुळे भारताला २२७ धावांची मोठी आघाडी मिळाली. बांगालदेशकडून केवळ शाकिब अल हसन यालाच ३० धावांचा टप्पा पार करता आला. त्याने ३२ धावांची खेळी केली. भारताकडून या डावात जसप्रीत बुमराहने सर्वाधिक ४ विकेट्स घेतल्या.
यानंतर भारतीय संघ पुन्हा दुसऱ्या डावात फलंदाजीसाठी उतरला. दुसऱ्या दिवस अखेर भारताने २३ षटकात ३ बाद ८१ धावा केल्या होत्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.