India vs England 3rd Test : राजकोटमध्ये इंग्लंडविरुद्ध खेळल्या जाणाऱ्या तिसऱ्या कसोटी सामन्यात भारताचे किती खेळाडू पदार्पण करतील. हा प्रश्न काही काही दिवसांपासून भारतीय क्रिकेट चाहत्यांना पडला आहे. पण सामना सुरू होण्याच्या एक दिवस आधी बीसीसीआयने एक व्हिडिओ सोशल मीडिया पोस्ट केला आहे. त्यामुळे कोणाता खेळाडू राजकोट कसोटीत पदार्पण करणार याची याची जवळपास पुष्टी मिळाली आहे.

गेल्या काही दिवसांपासून क्रिकेट विश्वात अशी चर्चा सुरू आहे की, आउट ऑफ फॉर्म केएस भरतला सतत संधी का दिली जात आहे. केएस भरतच्या जागी ध्रुव जुरेलला संधी का मिळत नाही? पण बीसीसीआयचा या व्हिडिओमुळे यष्टीरक्षक फलंदाज ध्रुव जुरेल तिसरा कसोटी सामना खेळू शकतो याचेही संकेत मिळाले आहेत.

दुसऱ्या कसोटी सामन्यापूर्वीही असाच वाद सुरू होता. त्यानंतर सर्फराज खान आणि रजत पाटीदार यांच्यात कोणाला पहिल्यांदा पदार्पणाची संधी द्यायची यावर वाद सुरू झाला. आठवडाभर ही चर्चा सुरू राहिली पण बीसीसीआयकडून काहीच प्रतिक्रिया आलेली नाही.

त्यानंतर दुसरा कसोटी सामना सुरू होण्याच्या एक दिवस आधी बीसीसीआयने रजत पाटीदारचा व्हिडिओ जारी केला. दुसऱ्या दिवशी त्याला पदार्पणाची संधीही मिळाली. 14 फेब्रुवारी रोजी बीसीसीआयने जारी केलेला व्हिडिओ देखील असाच एक संकेत म्हणून पाहिला जात आहे. आणि ध्रुव जुरेलचे चाहते देखील त्यांच्या आवडत्या क्रिकेटपटूचे अभिनंदन करत आहेत.

यजमान भारत आणि इंग्लंड यांच्यातील तिसरा कसोटी सामना अत्यंत महत्त्वाचा आहे. या मालिकेत दोन्ही संघांनी प्रत्येकी एक सामना जिंकला आहे. अशा स्थितीत तिसरा कसोटी सामना जिंकणारा संघ मालिकेत आघाडी घेईल. सर्फराज खानही तिसऱ्या कसोटी सामन्यात पदार्पण करू शकतो. ध्रुव जुरेलच्या पदार्पणाचे संकेत देत बीसीसीआयने या सामन्यातून दोन भारतीय खेळाडू आपल्या कसोटी कारकिर्दीला सुरुवात करण्याची शक्यता व्यक्त केली आहे.