मुंबई : दिमाखदार कामगिरीचा अश्वमेध चौखूर उधळणाऱ्या मुंबईने तमिळनाडूचा एक डाव आणि ७० धावांनी पराभव केला. तीन दिवसांच्या आतच उपांत्य फेरीचा सामना जिंकला आणि ४८व्यांदा रणजी अंतिम सामन्यात धडक मारली.

तनूषचे शतक अपूर्ण

बडोद्याविरुद्धच्या उपांत्यपूर्व सामन्यात दहाव्या क्रमांकावर फलंदाजी करत शतक करणाऱ्या तनुष कोटियनने आजही शतकाकडे झेप घेतली होती; परंतु त्याचा अखेरचा साथीदार तुषार देशपांडे बाद झाल्यामुळे तनुषला नाबाद ८९ धावांवर परतावे लागले. बडोद्याविरुद्धच्या या सामन्यात तुषारनेही शतक केले होते.

अंतिम सामना वानखेडेवर.

मुंबई संघाने अंतिम फेरीतील आपले स्थान निश्चित केले आहे. दुसरा उपांत्य सामना विदर्भ आणि मध्य प्रदेश यांच्यात सुरू आहे. यातील कोणताही संघ अंतिम फेरीत दाखल झाला तरी विजेतेपदाचा सामना मुंबईत वानखेडे स्टेडियमवर होणार आहे.

आता दोन दिवसांची अतिरिक्त विश्रांती

सात बाद १०६ या अवस्थेनंतर ३७८ धावा उभारून २३२ धावांची भलीमोठी आघाडी घेणाऱ्या मुंबईने तमिळनाडूचा दुसरा डाव १६२ धावांत ५१.५ षटकांत गुंडाळला, त्यामुळे सामना तिसऱ्याच दिवशीच संपला आणि मुंबई संघाला अंतिम सामन्याअगोदर दोन दिवसांची अतिरिक्त विश्रांती मिळाली. अंतिम सामना १० मार्चपासून सुरू होणार आहे.

शार्दुल ठाकूर सर्वोत्तम

सध्या भारतीय संघातून दूर असलेला शार्दुल ठाकूर आपल्या अष्टपैलू कामगिरीमुळे या सामन्यात सर्वोत्तम खेळाडू ठरला. काल त्याने १०५ चेंडूत १०९ धावांची खेळी साकार केली होती. आज तमिळनाडूचा डाव सुरू झाल्यावर त्यांचे सलामीवीर संघाच्या खेळाडूंना सहा धावांतच बाद केले. शार्दुलने उघडून दिलेल्या या दरवाजावर मोहित अवस्थी (२६ धावांत २), शम्स मुलानी (५३ धावांत ४) आणि तनुष कोटियन (१८ धावांत २) यांनी विजयाच्या पताका लावल्या.

तमिळनाडूची दुसऱ्या डावात तीन बाद १० अशी अवस्था झाली. त्यात बाद झालेल्या फलंदाजांमध्ये वॉशिंग्टन सुंदरचा समावेश होता. पहिल्या डावातही तमिळनाडूचा डाव सहा बाद ९० अशी दारुण परिस्थितीत सापडलेला असताना याच वॉशिंग्टनने ४३ धावांची खेळी केली होती. त्यामुळे आज वॉशिंग्टन बाद झाल्यानंतर मुंबईच्या विजयाची औपचारिकताच शिल्लक होती. मात्र, बाबा इंद्रजित (७०) विजय शंकर (२४) यांचा प्रतिकार तनुष कोटियन आणि मोहित अवस्थी यांनी मोडून काढल्यावर तमिळनाडूचा पराभव निश्चित झाला होता.

शार्दुल ठाकूर सर्वोत्तम

सध्या भारतीय संघातून दूर असलेला शार्दुल ठाकूर आपल्या अष्टपैलू कामगिरीमुळे या सामन्यात सर्वोत्तम खेळाडू ठरला. काल त्याने १०५ चेंडूत १०९ धावांची खेळी साकार केली होती. आज तमिळनाडूचा डाव सुरू झाल्यावर त्यांचे सलामीवीर संघाच्या खेळाडूंना सहा धावांतच बाद केले. शार्दुलने उघडून दिलेल्या या दरवाजावर मोहित अवस्थी (२६ धावांत २), शम्स मुलानी (५३ धावांत ४) आणि तनुष कोटियन (१८ धावांत २) यांनी विजयाच्या पताका लावल्या.

तमिळनाडूची दुसऱ्या डावात तीन बाद १० अशी अवस्था झाली. त्यात बाद झालेल्या फलंदाजांमध्ये वॉशिंग्टन सुंदरचा समावेश होता. पहिल्या डावातही तमिळनाडूचा डाव सहा बाद ९० अशी दारुण परिस्थितीत सापडलेला असताना याच वॉशिंग्टनने ४३ धावांची खेळी केली होती. त्यामुळे आज वॉशिंग्टन बाद झाल्यानंतर मुंबईच्या विजयाची औपचारिकताच शिल्लक होती. मात्र, बाबा इंद्रजित (७०) विजय शंकर (२४) यांचा प्रतिकार तनुष कोटियन आणि मोहित अवस्थी यांनी मोडून काढल्यावर तमिळनाडूचा पराभव निश्चित झाला होता.