Pakistan squad for Ireland and England Series : टी-20 वर्ल्ड कप 2024 चा थरार जून महिन्यात रंगणार आहे. त्यासाठी सर्व संघ आपापली टीमची घोषणा करत आहेत. बीसीसीआयने भारतीय संघाची घोषणा केली आहे. पाकिस्तानने टी-20 वर्ल्ड कपसाठी आपल्या संघाचे नाव जाहीर केले नसले तरी आयर्लंड आणि इंग्लंड मालिकेसाठी संघ जाहीर केला आहे. संघात 18 खेळाडूंची निवड करण्यात आली आहे.

पाकिस्तान क्रिकेट बोर्ड अर्थात PCB ने गुरुवारी टी-20 वर्ल्ड कप 2024 पूर्वी इंग्लंड आणि आयर्लंड दौऱ्यासाठी संघाच्या 18 सदस्यीय संघाची घोषणा केली. या संघाचा कर्णधार बाबर आझम राहणार आहे. त्यांच्याशिवाय अबरार अहमद, आझम खान, हारिस रौफ, सलमान अली आगा, मोहम्मद इरफान खान, उस्मान खान, शाहीन आफ्रिदी यांचा समावेश करण्यात आला आहे.

पाकिस्तान संघ 10 मे ते 14 मे दरम्यान आयर्लंडविरुद्ध टी-20 मालिका खेळणार आहे. यानंतर, संघ 22 मे पासून इंग्लंड दौऱ्यावर जाईल, जिथे चार टी-20 आंतरराष्ट्रीय सामने खेळवले जातील. ही मालिका टी-20 वर्ल्ड कप 2024 ची रंगीत तालमी आहे असे मानले जात आहे.

आयर्लंड आणि इंग्लंड दौऱ्यासाठी पाकिस्तानचा T20I संघ : बाबर आझम (कर्णधार), अबरार अहमद, आझम खान, फखर जमान, हारिस रौफ, हसन अली, इफ्तिखार अहमद, इमाद वसीम, अब्बास आफ्रिदी, मोहम्मद अमीर, मोहम्मद रिझवान, इरफान खान नियाज, नसीम शाह, सैम अय्युब, सलमान अली आगा, शादाब खान, शाहीन आफ्रिदी, उस्मान खान.