Paul Coughlin Take Stunning Catch : जागतिक क्रिकेटमध्ये सध्या टी 20 वर्ल्डकपचाच फिव्हर दिसून येत आहे. अमेरिकेत आणि वेस्ट इंडिजमध्ये सुरू असलेल्या यंदाच्या टी 20 वर्ल्डकपमधील ग्रु स्टेजचे सामने आता जवळपास संपले आहेत. सर्वांना सुपर 8 फेरीची उत्सुकता लागून राहिली आहे.

दरम्यान, इंग्लंडमध्ये देखील टी 20 ब्लास्ट नावाची एक स्थानिक टी 20 लीग सुरू आहे. या टी 20 लीगमधील एक धक्कादायक व्हिडिओ समोर आला आहे. या व्हिडिओत एक गोलंदाज बॉलर्स बॅक शॉट चुकवण्याच्या प्रयत्नात असं काही करतो की समालोचकापासून त्याच्याच संघातील खेळाडू देखील आश्चर्यचकीत होतात.

सोशल मीडियावर पॉलच्या या भन्नाट कॅचची चर्चा सुरू आहे. इंग्लंडमधील टी 20 ब्लास्ट स्पर्धेत डरहम आणि लंकाशायर यांच्यातील सामन्यात ही घटना घडली. या सामन्यात पॉल कफलिन बॉलिंग करत होता. स्ट्राईकवर असलेला फलंदाज मॅथ्यू हर्स्टने पॉलने टाकलेला बॉल त्याच्या दिशेने टोलवला. फटका तसा वेगातच होता. बॉल टाकल्यानंतर फॉलो थ्रोमध्ये पॉल स्वतःला सावरत असतानाच बॉल वेगाने त्याच्या दिशेने येत होता. बॉल आता पॉलच्या डोक्यावर लागणार इतक्यात पॉलने बॉलपासून वाचण्यासाठी आपला हात पुढे केला अन् बॉल त्याच्या हातात येऊ बसला.

पॉलला कॅच घ्यायचा नव्हता तर त्याला स्वतःचं डोकं वाचवायचं होतं. मात्र झालं वेगळंच पॉलच्या या भन्नाट कॅचनं मॅथ्यूज बाद झाला. यावर समालोचकांचाच काय पॉलच्या सहकाऱ्यांना देखील विश्वास बसला नाही.

सामन्याबद्दल बोलायचे झाले तर डरहम आणि लँकेशायर यांच्यात खेळला गेलेला सामना खूपच रोमांचक झाला. डरहमने हा सामना 2 धावांनी जिंकला. या सामन्यात डरहम संघाने प्रथम फलंदाजी करताना 20 षटकात 3 गडी गमावून 218 धावा केल्या. डरहमसाठी ग्रॅहम क्लार्कने 57 चेंडूत 8 चौकार आणि 4 षटकारांच्या मदतीने 87 धावांची शानदार खेळी केली.

दुसरीकडे लँकेशायर संघाला 219 धावांचे लक्ष्य गाठता आले नाही. लँकेशायरला सामन्यात डरहमच्या धावसंख्येपेक्षा 2 धावा कमी पडल्या. या सामन्यात, कॅलम पार्किन्सनने डरहमसाठी अप्रतिम गोलंदाजी करत 4 षटकात 31 धावा देत 3 मोठ्या विकेट घेतल्या. त्याचा डरहमच्या विजयात त्याचा मोलाचा वाटा होता.

(Cricket News In Marathi)