T20 World Cup 2024 Ben Stokes opts out of England Marathi News sakal
Cricket

T20 वर्ल्ड कप 2024 पूर्वी संघाला मोठा धक्का! स्टार खेळाडूने टूर्नामेंटमधून घेतली माघार... जाणून घ्या कारण

T20 World Cup 2024 Ben Stokes opts out of England : यंदा 1 जूनपासून टी-20 वर्ल्ड कप वेस्ट इंडिज आणि यूएसएमध्ये खेळवला जाणार आहे. खेळाच्या सर्वात लहान फॉरमॅटच्या वर्ल्ड कप स्पर्धेची तयारी जोरदार सुरू आहे.

Kiran Mahanavar

T20 World Cup 2024 Ben Stokes opts out of England : यंदा 1 जूनपासून टी-20 वर्ल्ड कप वेस्ट इंडिज आणि यूएसएमध्ये खेळवला जाणार आहे. खेळाच्या सर्वात लहान फॉरमॅटच्या वर्ल्ड कप स्पर्धेची तयारी जोरदार सुरू आहे. आयसीसीने वर्ल्ड कपचे संपूर्ण वेळापत्रकही जाहीर केले आहे. या स्पर्धेत प्रथमच 20 संघ सहभागी होणार आहेत. या सगळ्या दरम्यान क्रिकेट चाहत्यांसाठी एक वाईट बातमी समोर आली आहे. या स्पर्धेत एकही स्टार खेळाडू खेळणार नाही.

आयसीसी टी-20 वर्ल्ड कप 2024 पूर्वी इंग्लंडचा दिग्गज खेळाडू बेन स्टोक्सने आपले नाव मागे घेतले आहे. तो म्हणाला की, सध्या मला माझ्या फिटनेसवर लक्ष केंद्रित करायचे आहे, जेणेकरून मी कसोटी क्रिकेटमध्ये चांगली कामगिरी करू शकेन. या कारणामुळे खेळाडूने आपले नाव मागे घेतले आहे.

बेन स्टोक्सने आयसीसी वर्ल्ड कप 2019 च्या अंतिम सामन्यात इंग्लंडला नेत्रदीपक विजय मिळवून दिला होता. हा सामना अतिशय रोमांचक होता, ज्यामध्ये बेन स्टोक्सने एकट्याने इंग्लंडला विजय मिळवून दिला, त्यामुळे जर खेळाडू टी-20 वर्ल्ड कपमधून बाहेर पडला तर संघाला त्याची उणीव भासू शकते.

आपले नाव मागे घेतल्यानंतर बेन स्टोक्स म्हणाला की, मी कठोर परिश्रम करत आहे आणि क्रिकेटच्या सर्व फॉरमॅटमध्ये अष्टपैलू खेळाडू म्हणून चांगली कामगिरी करायची आहे. यासाठी मला माझ्या फिटनेसवर काम करायचे आहे. वर्ल्ड कपमधून बाहेर राहून मी माझ्या फिटनेसवर काम करू शकेन, ज्यामुळे मला भविष्यात एक चांगला अष्टपैलू बनण्यास मदत होईल.

स्टोक्स पुढे म्हणाला की, भारताविरुद्ध नुकत्याच खेळल्या गेलेल्या कसोटी मालिकेतील माझ्या कामगिरीमुळे मला कळले की गुडघ्याच्या शस्त्रक्रियेनंतर मी खूप मागे पडलो आहे.

बेन स्टोक्सची T20 कारकीर्द

बेन स्टोक्सने आतापर्यंत इंग्लंडकडून 43 टी-20 सामने खेळले आहेत. या कालावधीत बेन स्टोक्सने 21.67 च्या सरासरीने 585 धावा केल्या आहेत. ज्यामध्ये 1 अर्धशतकाचा समावेश आहे. त्याचबरोबर बेन स्टोक्सनेही या कालावधीत 26 विकेट घेतल्या आहेत. 2022 च्या टी-20 वर्ल्ड कप स्पर्धेत इंग्लंडला चॅम्पियन बनवण्यात बेन स्टोक्सचे मोठे योगदान होते. त्याने अंतिम सामन्यात 49 चेंडूत नाबाद 52 धावा करत संघाला विजेतेपद मिळवून दिले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

ESIC New Rules 2026 : कर्मचाऱ्यांसाठी मोठी बातमी! आजारपण आणि प्रसूती लाभांसाठी अर्जाची गरज नाही; पैसे थेट बँक खात्यात जमा होणार

Gadchiroli History: गडचिरोलीच्या घनदाट जंगलात इतिहासाचा खजिना! १६व्या-१७व्या शतकातील ५० वीरगळांचा शोध, शूरवीरांच्या पराक्रमाची शिल्पे उजेडात

IND A vs PAK A: भारत पाकिस्तान सामन्यात टॉसवेळी नेमकं काय घडलं? होत, मॅच रेफ्रींच्या चुकीमुळे वाद, पाकिस्तानी चाहत्यांनी केले आरोप

Water Security 2051 : पुणे महानगर प्रदेशाच्या पाणीपुरवठ्याचे दीर्घकालीन नियोजन; जलसंपदा विभागाचा २०५१ पर्यंतचा जलसुरक्षा आराखडा तयार होणार

Palodwadi Robbery: पालोदवाडीत चार चोरट्यांचा धुमाकूळ; चार घरांवर दरोडा, महिलांच्या गळ्याला चाकू लावून ३.३२ लाखांचा ऐवज लुटला

SCROLL FOR NEXT