Team India T20 World Cup Squad Updates : आता सध्या भारतात आयपीएल 2024 चा थरार सुरू आहे पण त्यासोबतच टी20 वर्ल्ड कप 2024 चे काउंटडाऊन देखील सुरु झाले आहे. यासाठी लवकरच टीम इंडियाची घोषणा होणार आहे. सर्व देश 1 मे पर्यंत टी-20 वर्ल्ड कप 2024 साठी त्यांचे संघ जाहीर करू शकतात. आता बीसीसीआयही टीम इंडियाची घोषणा करण्याच्या तयारीत आहे.

मीडिया रिपोर्ट्सनुसार, टीम इंडियाच्या घोषणेबाबत बीसीसीआय 27 किंवा 28 एप्रिलला बैठक घेणार आहे. ही बैठक दिल्लीत होऊ शकते. कारण यादरम्यान मुंबई इंडियन्सचा सामनाही दिल्लीत होणार आहे. अशा परिस्थितीत टीम इंडियाचा कर्णधार रोहित शर्मा दिल्लीतच उपस्थित राहणार आहे.

या 10 खेळाडूंची निवड निश्चित

आता प्रश्न असा आहे की, टी-20 वर्ल्ड कपसाठी टीम इंडियामध्ये कोणते खेळाडू निवडले जाऊ शकतात? तर आम्ही तुम्हाला सांगतो की किमान 10 खेळाडूंची नावे निश्चित केली आहेत, ज्यांची निवड केली जाऊ शकते.

या 10 खेळाडूंमध्ये रोहित शर्मा, विराट कोहली, सूर्यकुमार यादव, ऋषभ पंत, रवींद्र जडेजा, शुभमन गिल, केएल राहुल, कुलदीप यादन, जसप्रीत बुमराह आणि मोहम्मद सिराज यांची नावे आहेत.

हार्दिक पांड्याबाबत सस्पेन्स

हार्दिक पांड्या पहिल्या 10 नावांमध्ये नाही कारण त्याच्याबद्दल कोणतीही अचूक माहिती उपलब्ध नाही. हार्दिकने आयपीएलमध्ये गोलंदाजी केली तरच त्याचा विचार केला जाऊ शकतो, असे बोलले जात आहे.