कुस्तीत तीन सुवर्णपदकं मिळवल्यानंतर भारताची दिग्गज पॅरा टेबल टेनिसपटू भाविना पटेलने आणखी एक गोल्ड मेडल जिंकून दिलं आहे. तिने पॅरा टेबल टेनिसच्या महिला एकेरीत (वर्ग 3-5)हे पदक मिळवलं आहे. यासह पॅरा टेबल टेनिसमध्येच भारताच्या सोनलबेन पटेलने कांस्यपदक मिळवलं आहे. राष्ट्रकुल 2022 मधील भारताचे हे 13 वे सुवर्णपदक आहे.(CWG 2022 Bhavina Patel wins gold medal in para table tennis)

भाविनाने फायनलमध्ये नायजेरियाच्या टेनिसपटूला 12-10, 11-2 आणि 11-9 अशा तीन सेट्समध्ये मात देत सामना जिंकला. याआधी भाविनाने उपांत्य फेरीच्या (Semifinal) सामन्यात इंग्लंडच्या सू बेलीचा पराभव करून अंतिम फेरीत प्रवेश मिळवत पदक निश्चित केलं होतं.

त्याचवेळी, याशिवाय भारताच्या सोनल बेन पटेलने 2022 च्या राष्ट्रकुल क्रीडा स्पर्धेत पॅरा टेबल टेनिसमध्ये कांस्यपदक जिंकले. तिने ब्राँझपदकाचा सामना 3-5 ने जिंकला. आत्तापर्यंत भारताने 38 पदके जिंकली आहेत. ज्यामध्ये 13 सुवर्णपदकांचा समावेश आहे.

भाविना पटेल सर्वात आधी 2011 च्या थायलंड टेबल टेनिस चॅम्पियनशिपमधून प्रकाशझोतात आली. पॅरा टेबल टेनिस स्पर्धेत तिने त्यावेळी सुवर्णपदक पटकावले. नंतर, 2013 मध्ये0 आशियाई पॅरा टेबल टेनिस चॅम्पियनशिपच्या महिला एकेरीतही रौप्य पदक जिंकले. ती इथेच थांबली नाही. यानंतर त्याने 2017 मध्ये आशियाई पॅरा टेबल टेनिस स्पर्धेत पुन्हा एकदा कांस्यपदकाला गवसणी घातली. मागील वर्षी टोक्यो पॅरालिम्पिकमध्येही तिने कमाल कामगिरी करत थेट रौप्यपदक मिळवलं. हे तिच्या कारकिर्दीतील आतापर्यंतचे सर्वात मोठे यश होते.