Deepak Chahar IND vs ZIM : भारत आणि झिम्बाब्वे यांच्यातील तीन वनडे मालिकेतील पहिला सामना हरारे स्पोर्ट्स क्लब येथे खेळला जात आहे. भारतीय कर्णधार केएल राहुलने नाणेफेक जिंकून प्रथम गोलंदाजी करण्याचा निर्णय घेतला आहे. दीपक चहरचे भारतीय संघात तब्बल 7 महिन्याने पुनरागमन करत आहे. तर शिखर धवन आणि गिल सलामी देतील आणि कर्णधार केएल राहुल मधल्या फळीत खेळताना दिसेल.

दुखापतीमुळे 7 महिन्यांपासून टीम इंडियापासून दूर असलेला वेगवान गोलंदाज दीपक चहरने टीम इंडियात पुनरागमन केले आहे. त्याने फेब्रुवारीमध्ये वेस्ट इंडिजविरुद्ध शेवटचा टी-20 आंतरराष्ट्रीय सामना खेळला होता. त्या सामन्यामध्ये त्याला दुखापत झाली होती. दुखापतीमुळे तो श्रीलंका मालिका आणि आयपीएल 2022 मध्ये खेळू शकला नाही. दुखापतीतून सावरण्यासाठी त्याने राष्ट्रीय क्रिकेट अकादमी (NCA) येथे प्रशिक्षण घेतले होत. दीपक चहरने अलीकडेच त्याची गर्लफ्रेंड जया भारद्वाजसोबत आग्रा येथे लग्न केले. फेब्रुवारीनंतर तो प्रथमच झिम्बाब्वे मालिकेतच खेळणार आहे.

संघ व्यवस्थापनाला या स्विंग गोलंदाजाची काळजी घ्यावी लागणार आहे. बराच काळ ब्रेक झाला असून तो देखील दुखावला गेला आहे. आंतरराष्ट्रीय क्रिकेटमध्ये पुनरागमन करणे इतके सोपे नाही, जिथे तुम्हाला दुखापतीमुळे इतका मोठा ब्रेक मिळाला आहे. दीपकने एका वृत्तवाहिनीला सांगितले की, दुखापतीमुळे दीर्घ विश्रांतीनंतर आंतरराष्ट्रीय क्रिकेटमध्ये पुनरागमन करणे सोपे होणार नाही.