बंगळूर : भारताचा T20 स्पेशालिस्ट अष्टपैलू खेळाडू दीपक चहर हॅमस्ट्रिंगच्या दुखापतीमुळे संपूर्ण इंडियन प्रीमियर लीग (IPL) हंगामातून बाहेर पडला होता. आता या दुखापतीतून पूर्णपणे सावरण्यासाठी त्याला आणखी चार ते पाच आठवडे लागणार आहे. दीपक चहर याचे वेस्ट इंडीजविरुद्धच्या आगामी मालिकेने टीम इंडियाच्या संघात पुनरागमन होते. वेस्ट इंडीजविरुद्धच्या मायदेशातील मालिकेदरम्यान चहरला दुखापत झाली होती.

चहर सध्या बंगळूरमधील राष्ट्रीय क्रिकेट अकादमीत दुखापतीवर उपचार घेत आहे. चहर या वेळी म्हणाला, दुखापतीवरील उपचार व्यवस्थित सुरू आहेत. सध्या सलग चार ते पाच षटके गोलंदाजी करू शकत आहे. सामन्याला लागणारा फिटनेस मिळवण्यासाठी आणखी चार ते पाच आठवडे लागू शकतील, असे त्याने नमूद केले.

स्थानिक सामने खेळणार

चहरने वेस्ट इंडीजविरुद्धच्या आगामी मालिकेपर्यत तंदुरुस्त होईन असे संकेत दिले आहेत. बरा झाल्यानंतरही मला क्लब स्तरावरील क्रिकेट खेळावे लागणार आहे, असे त्याने सांगितले.

२९ वर्षीय चहर आणि वॉशिंग्टन सुंदर हाताच्या दुखापतीतून बरे होत आहेत. या दोन्ही खेळाडूंचे टी नटराजन यांच्यासह राष्ट्रीय क्रिकेट अकादमी (NCA) येथे पुनर्वसन सुरू आहे. 22 वर्षीय फिरकी अष्टपैलू खेळाडू इंग्लंडच्या काउंटी संघ लँकेशायरचे प्रतिनिधित्व करण्यासाठी इंग्लंडला जाणार आहे.