Asia Cup 2023 Ind vs Pak Final : इमर्जिंग आशिया कप 2023 च्या फायनलमध्ये भारताला पाकिस्तानकडून दारूण पराभवाला सामोरे जावे लागले. भारताच्या युवा संघाने संपूर्ण स्पर्धेत चमकदार कामगिरी केली, परंतु पाकिस्तानविरुद्ध खेळल्या गेलेल्या हाय-व्होल्टेज फायनलमध्ये त्यांना विजयाची लाइन क्रॉस  करता आली नाही.

पण, साई सुदर्शनच्या विकेटवरून सोशल मीडियावर खळबळ उडाली आहे. तो ज्या चेंडूवर आऊट झाला तो नो बॉल होता, असे मानले जात आहे. मात्र तिसऱ्या पंचाला नो बॉल दिला नाही आणि सलामीवीराला 29 धावा करून पॅव्हेलियनमध्ये परतावे लागले.

भारतासोबत धोका झाली का?

पाकिस्तानसोबत खेळल्या गेलेल्या हाय-व्होल्टेज सामन्यात टीम इंडिया 353 धावांच्या डोंगरासारख्या लक्ष्याचा पाठलाग करण्यासाठी मैदानात उतरली तेव्हा भारतीय सलामीवीरांनी चांगली सुरुवात केली. पण त्यानंतर चांगली फलंदाजी करणारा सलामीवीर साई सुदर्शन 28 चेंडूत 29 धावा करून बाद झाला.

खरं तर, भारतीय डावाच्या 9व्या षटकात अर्शद इक्बालच्या शॉर्ट पिच बॉलवर सुदर्शनने मोठा शॉर्ट मारण्याचा प्रयत्न केला, पण चेंडू मोहम्मद हरिसच्या हातात गेला. पण सुदर्शनच्या विकेटवर गोंधळ सुरू आहे.

मैदानावरील पंचांनी फ्रंट फूट नो बॉल तपासला. टीव्हीचे रिप्ले बघून अर्शदचा पाय रेषेच्या पुढे आहे असे दिसत होते. मात्र, तिसऱ्या पंचाला तसे वाटले नाही आणि त्यांनी नो बॉल दिला नाही. त्यामुळे सुदर्शन आऊट होऊन पॅव्हेलियनमध्ये परतला.

या स्पर्धेत फलंदाज उत्कृष्ट फॉर्ममध्ये असल्याने साई सुदर्शनची विकेट भारतासाठी महत्त्वाची होती. पाकिस्तानसोबत खेळल्या गेलेल्या साखळी सामन्यात त्याने शतक झळकावले. सुदर्शनने अंतिम फेरीतही चांगली सुरुवात केली होती आणि 28 चेंडूत 29 धावा केल्यानंतर तो खेळत होता. जर अंपायरने अर्शदच्या चेंडूला नो बॉल दिला असता, तर कदाचित सुदर्शन काहीतरी अप्रतिम करू शकला असता आणि मोठी खेळी खेळून भारताला विजयाच्या दिशेने नेऊ शकला असता.

भारताने अंतिम सामन्यात नाणेफेक जिंकून गोलंदाजी करण्याचा निर्णय घेतला होता, जिथे प्रथम फलंदाजी करताना पाकिस्तानला 353 धावांचे लक्ष्य ठेवले होते. यामध्ये टीम इंडिया 224 धावांवर गारद झाली आणि सामना 128 धावांनी गमावला.