India vs England 1st Test :

हैदाराबाद : भारत आणि इंग्लंड यांच्यात हैदराबादमध्ये सुरू असलेल्या पहिल्या कसोटी सामन्याचा पहिल्या दिवसाचा खेळ संपला आहे. पहिला दिवस भारतीय गोलंदाज आणि फलंदाजांच्या नावावर राहिला. पहिल्या डावाच्या आधारे भारत इंग्लंडच्या 127 धावांनी मागे आहे. नाणेफेक जिंकून प्रथम फलंदाजी करणाऱ्या इंग्लंड संघाने पहिल्या डावात 246 धावा केल्या.

भारताने पहिल्या डावात एक विकेट गमावून 119 धावा केल्या आहेत. रोहित शर्मा २४ धावा करून बाद झाला. यशस्वी जैस्वाल 76 धावांवर नाबाद असून शुभमन गिल 14 धावांवर नाबाद आहे.

सर्वात महत्त्वाची गोष्ट म्हणजे भारताने आतापर्यंत पहिल्या डावात केवळ 23 षटके फलंदाजी केली. आणि फक्त एक विकेट गमावली. टीम इंडियाकडे अजूनही तिन्ही रिव्ह्यू बाकी आहेत. पण इंग्लंड संघाने सामन्याच्या 13व्या षटकात तिन्ही रिव्ह्यू गमावले आहेत. आता या पहिल्या डावात पंचांना आव्हान देण्यासाठी त्याच्याकडे कोणताही रिव्ह्यू शिल्लक नाही. आणि भारतीय संघाच्या अजून 9 विकेट बाकी आहेत. त्यामुळे कर्णधार बेन स्टोक्सची चिंता नक्कीच वाढली आहे.

भारताकडून पहिल्या डावात रोहित शर्मा आणि यशस्वी जैस्वाल सलामीला आले. दोन्ही खेळाडूंनी सुरुवातीपासूनच इंग्लंडच्या गोलंदाजांवर दबाव टाकण्याचा प्रयत्न केला आणि आक्रमक खेळला. मात्र जॅक लीचच्या चेंडूवर कर्णधार रोहित शर्मा 24 धावा करून बाद झाला. यानंतर शुभमन गिल तिसऱ्या क्रमांकावर फलंदाजीला आला. जैस्वाल आणि गिल यांनी पहिल्या दिवशी डाव 119 पर्यंत नेला आणि नाबाद माघारी परतले.

इंग्लंडचा कर्णधार बेन स्टोक्सने नाणेफेक जिंकून प्रथम फलंदाजी करण्याचा निर्णय घेतला. प्रथम फलंदाजी करताना इंग्लंडचा संघ पहिल्या डावात 246 धावांत गारद झाला. इंग्लंडकडून कर्णधार बेन स्टोक्सने सर्वाधिक 70 धावांची खेळी खेळली. जॉनी बेअरस्टोने 37 धावा केल्या. तर भारताकडून रवींद्र जडेजा आणि आर अश्विन यांनी आतापर्यंत सर्वाधिक 3-3 विकेट घेतल्या आहेत. तर अक्षर पटेल आणि जसप्रीत बुमराह यांना 2-2 यश मिळाले.