R Ashwin R Sridhar : भारताची संघ मध्यंतरीच्या काळात जगातील काही सर्वोत्तम क्षेत्ररक्षण करणाऱ्या संघापैकी एक संघ म्हणून ओळखला जात होता. यामागे भारताचे माजी फिल्डिंग कोच आर श्रीधर यांचे परिश्रम होते. हैदराबादचे माजी फिरकीपटू आर. श्रीधर यांनी 2014 मध्ये भारतीय संघाचे फिल्डिंग कोच म्हणून कार्यभार स्विकारला होता. मात्र त्यांची टीम इंडियाबरोबरची सुरूवात फार चांगाली झाली नव्हती. याबाबतचा एक खुलासा आर. श्रीधर यांनी नुकताच केला. त्यांनी आर. अश्विनचा सुरूवातीला त्यांच्या फिल्डिंग ड्रील्सबाबत कसा दृष्टीकोण होता हे त्यांनी सांगितले.

आर. श्रीधर म्हणाले की, 'आर. अश्विनने वाद घालायचा म्हणून नाही मात्र विचारले की, तुला जर राग येणार नसेल तर श्रीधर सर मी तुमचं का ऐकू आणि तुमच्या फिल्डिंग ड्रिल्स आणि सल्ले का फॉलो करू. मी तुम्ही सांगितलेलं का ऐकू? 2011 पासून 2014 पर्यंत ट्रेव्हर पेन्नी फिल्डिंग कोच होते. आता तुम्ही आला आहात. तुम्ही जवळपास दोन ते तीन वर्षे रहाल असं आपण पकडून चालू.'

'अश्विन पुढे म्हणाला की, 'तुम्हा काहीतरी सांगाल नंतर निघून जाल. नवीन फिल्डिंग कोच येईल. खरं सांगू तर पुढच्या दोन ते तीन वर्षात माझं खूप काही पणाला लागलेलं असेल. मला खात्री पटायला हवी की तुम्ही जे सांगताय त्याचा मला फायदा होईल. याचा माझ्या खेळात मला फायदा होईल. नाहीतर मी तुमचं का ऐकू?'

श्रीधर यांनी सांगितले की अश्विनसोबतचे हे संभाषणामुळे अश्विनला त्याच्या फायदा होईल असे बदल करणे गरजेचे असल्याचे जाणवले. श्रीधर म्हणाले की, 'यानंतर आम्ही दोघे एकमेकांना चांगल्या प्रकारे ओळखू लागलो. मी तो काय म्हणतोय हे लगेच ओळखून गेलो. त्याचे प्रश्नांनी मला मी किती प्रशिक्षण देऊ आणि प्रशिक्षण नेमकं काय आहे याबाबत विचारात पडलो.'

(Sports Latest News)

हेही वाचा : ....इथं बनतो आपला लाडका तिरंगा