Gautam Gambhir : भारताचा माजी फलंदाज गौतम गंभीर कोलकाता नाईट रायडर्समध्ये परतला असून तो आता संघाच्या व्यवस्थापनाचा भाग आहे. गौतम गंभीरने केकेआरला दोनवेळा आयपीएल जिंकून दिली होती. आता तो या संघ व्यवस्थापनात परतला असून तो घरवापसीने जाम खूश आहे. त्याने एक ट्विट देखील केले.

गौतम गंभीर एका ट्विटला प्रतिक्रिया देताना म्हणाला, 'हे खूप स्वाभाविक नाही का? तो माझं कुटुंब आहे आणि केकेआर हा माझ्यासाठी भावनिक विषय आहे. केकेआरमध्ये परत आल्याने मी खूप उत्साही आहे.'

गौतम गंभीरने केकेआरसाठी दोन आयपीएल ट्रॉफी जिंकल्या आहेत. 2012 आणि 2014 मध्ये केकेआरने गौतम गंभीरच्या नेतृत्वाखाली विजेतेपद पटकावलं. आता तो आयपीएल 2024 मध्ये संघ व्यवस्थापनाचा भाग असणार आहे. गौतमसोबतच श्रेयस अय्यर देखील केकेआरचा कर्णधार म्हणून परतला आहे. गेल्या वर्षी श्रेयस अय्यर दुखापतीमुळे आयपीएल खेळू शकला नव्हता. त्यावेळी नितीश राणाकडे केकेआरच्या नेतृत्वाची धुरा सोपवण्यात आली होती.