Hardik Pandya On Sanju Samson & Umran Malik : भारत आणि न्यूझीलंड यांच्यातील तीन सामन्यांची टी-20 आंतरराष्ट्रीय मालिका संपली आहे. या मालिकेदरम्यान आगामी काळात भारताचा कायमस्वरूपी टी-20 कर्णधार म्हणून हार्दिक पांड्याकडे पाहिले जात आहे. भारताने ही मालिका 1-0 अशी आपल्या नावे केली आहे. पहिला सामना पावसाने पूर्णपणे वाहून गेला, तर दुसरा सामना भारताने 65 धावांनी जिंकला.

तिसरा आणि शेवटचा टी-20 सामना पावसामुळे बरोबरीत सुटला. न्यूझीलंडचा डाव 160 धावांवर आटोपला, पावसाला सुरुवात झाली तेव्हा भारताने नऊ षटकांत 4 बाद 75 धावा केल्या. डकवर्थ लुईस पद्धतीनुसार त्यावेळी दोन्ही संघांचे गुण समान होते. हार्दिक पांड्याने मालिका संपल्यानंतर उमरान मलिक-संजू सॅमसनला प्लेइंग इलेव्हनमध्ये का घेतले नाही हे सांगितले आहे.

न्यूझीलंडविरुद्धच्या मालिकेतील शेवटच्या सामन्यानंतर पत्रकार परिषदेत हार्दिक पांड्या म्हणाला की, पहिली गोष्ट म्हणजे बाहेर कोण काय म्हणतंय याने आमच्या पातळीवर काही फरक पडत नाही. तो म्हणाला की हा माझा संघ आहे, प्रशिक्षक आणि मी आम्हाला हवी ती बाजू घेऊन मैदानात उतरू. जर मोठी मालिका असती, अधिक सामने झाले असते, तर अधिक संधी मिळाल्या असत्या, पण ही छोटी मालिका होती. मी जास्त बदलांवर विश्वास ठेवत नाही.

भारतीय कर्णधार हार्दिक पांड्या पुढे म्हणाला की, मला जसे गोलंदाजीचे सहा पर्याय हवे होते. अशा फलंदाजांनी जरा कमी गोलंदाजी केली तर तुम्हाला अनेक संधी मिळतील. तसेच, गोलंदाजीचे पर्याय अधिक असतील तर विरोधी फलंदाजांसमोर अधिक पर्याय असतील, असेही तो म्हणाला.