Hardik Pandya : भारताचा अष्टपैलू खेळाडू हार्दिक पांड्याला 2023 च्या वनडे वर्ल्डकपमध्ये दुखापत झाली होती. त्यानंतर तो संघाबाहेर होता. आता हार्दिक पांड्याच्या टीममधील वापसीची तारीख ठरली आहे. याबाबतची माहिती खुद्द बीसीसीआय सचिव जय शहा यांनी दिली आहे.
हार्दिक पांड्या पुढच्या वर्षी जानेवारी महिन्यात अफगाणिस्तान विरूद्ध होणाऱ्या टी 20 मालिकेत भारतीय संघात पुनरागमन करणार आहे. बीसीसीआय सचिव जय शहा यांनी पीटीआयशी दिलेल्या माहितीनुसार हार्दिक पांड्या अफगाणिस्तानविरूद्धच्या टी 20 मालिकेपूर्वी फिट होण्याची शक्यता आहे.
भारत अफगाणिस्तानविरूद्ध तीन टी 20 सामन्यांची मालिका खेळणार आहे. ही मालिका भारतातच होणार आहे. अफगाणिस्ताविरूद्धची ही मालिका 11, 14 आणि 17 जानेवारीला खेळवली जाणार आहे.
दरम्यान, हार्दिक पांड्याला वनडे वर्ल्डकपदरम्यान दुखापत झाली होती. बांगलादेशविरूद्धच्या सामन्यात त्याच्या घोट्याला दुखापत झाली. त्यानंतर तो संघाबाहेर गेला. ऑस्ट्रेलियाविरूद्धच्या मालिकेत देखील तो खेळला नव्हता. दक्षिण आफ्रिकेविरूद्धच्या मालिकेसाठी देखील तो फिट नव्हता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.