Shreyas Iyer Broke Bat : आशिया कपमधील भारत आणि पाकिस्तान यांच्यातील भारत आणि पाकिस्तान यांच्यातील सामन्यात भारताने नाणेफेक जिंकून प्रथम फलंदाजी करण्याचा निर्णय घेतला. मात्र शाहीन आफ्रिदीविरूद्ध भारताच्या टॉप ऑर्डर उडवली. त्यानंतर हारिस रौफने देखील भारताला तिसरा धक्का दिला.

दरम्यान, वेगवान गोलंदाज हारिस रौफच्या एका वेगवान चेंडूमुळे श्रेयस अय्यरची बॅटच तुटली. चेंडूचा वेग आणि श्रेयसच्या फटक्यात इतकी अचूकता होती की बॅट तुटल्यानंतरही चेंडू सीमापार गेला. मात्र रौफने अखेर अय्यरच्या या दोन चौकारांचा बदला पुढच्या षटकात घेतलाच.

भारत आणि पाकिस्तान यांच्या सामन्यात पावसाचा व्यत्यय येणार असा अंदाज हवामान खात्यानं दर्शवला होताच. त्याप्रमाणे सामन्याची चार षटके झाल्यानंतर पावसाचे सुरूवात झाली. पावसामुळे खेळ थांबला. मात्र काही काळानंतर सामना पुन्हा सुरू झाला.

सामना पुन्हा सुरू झाला त्यावेळी भारताचे सलामीवीर रोहित शर्मा आणि शुभमन गिल हे सेट होण्याचा प्रयत्न करत होते. मात्र शाहीनने रोहित शर्माच्या बॅट पॅड गॅपमधून त्याची दांडी गुल करत भारताला पहिला धक्का दिला.

यानंतर आलेल्या विराट कोहलीकडून मेलबर्नमधील खेळीची अपेक्षा होती. माक्ष ढगाळ वातावरणात चेंडू हातभर स्विंग करणाऱ्या शाहीनने विराटचीही शिकार केली. त्याने विराटचा देखील त्रिफळा उडवला.

भारताची अवस्था 2 बाद 27 धावा अशी झाल्यानंतर पाकिस्तानविरूद्ध पहिल्यांदाच खेळणारा श्रेयस अय्यर क्रिजवर आला. तो आला त्यावेळी त्याने आश्वासक सुरूवात केली. त्याने हारिस रौफला दोन चौकार लगावत आपण चांगल्या टचमध्ये असल्याचे दाखवून दिले.

हारिस रौफ सामन्याचे आठवे षटक टाकण्यासाठी आला होता. या षटकात तो 147 ते 148 किमी प्रती तास वेगाने गोलंदाजी करत होता. याच षटकातील चौथा चेंडू हारिसने 147 किमी प्रती तास वेगाने टाकला. अय्यरनेही हा चेंडू चांगल्या प्रकारे कव्हर ड्राईव्ह मारला. मात्र या दरम्यान त्याची बॅट तुटली. मात्र चेंडूचा वेग आणि अय्यरचा चांगला फटका यामुळे चेंडू सीमापार गेला.

मात्र अय्यरला आपली बॅट बदलावी लागली. या बदलेल्या बॅटने शेवटच्या चेंडूवरही अय्यरने रौफला चौकार लगावला. यानंतर रौफने आपल्या पुढच्या 10 व्या षटकात मात्र अय्यरचा बदला घेतला. त्याने 9 चेंडूत 14 धावा करणाऱ्या अय्यरला बाद करत भारताला तिसरा धक्का दिला.

(Sports Latest News)