IND vs AUS 4th Test : बॉर्डर - गावसकर ट्रॉफीच्या चौथ्या कसोटी सामन्यात पाहुण्या ऑस्ट्रेलियाने भारतीय गोलंदाजांना दोन दिवस चांगलेच तंगवले. ऑस्ट्रेलियाने जवळपास दोन दिवस फलंदाजी करत 480 धावांचा डोंगर उभा केला. यात सलामीवीर उस्मान ख्वाजाच्या झुंजाल 180 धावांचा मोलाचा वाटा होता. त्याला कॅमरून ग्रीनने देखील 114 धावांची शतकी खेळी करून चांगली साथ दिली.
पहिल्या दोन कसोटीत दादागिरी करणाऱ्या भारतीय गोलंदाजांची चौथ्या कसोटीत झालेली अवस्था पाहून ऑस्ट्रेलियाचे माजी दिग्गज खेळाडू इयान चॅपेल यांनी रोहित शर्मा आणि भारतीय गोलंदाजांच्या रणनितीवर सडकून टीका केली.
चॅपेल इएसपीएल क्रिकइन्फोशी बोलताना म्हणाले की, 'मला डावखुऱ्या फलंदाजाला भारताचे राऊड द विकेट गोलंदाजी करण्यावर एवढं प्रेम का आहे हे समजले नाही. याचा कोणताच अर्थ मला लागत नाहीये. मी जवळपास सर्व चांगल्या डावखुऱ्या फलंदाजांशी बोललो आहे. त्यांनी मला राईट आर्म ओव्हर द विकेट गोलंदाजी खेळणे सर्वात कठिण असल्याचे सांगितले.'
चॅपेल पुढे म्हणाले की, 'बहुदा अराऊंड द विकेट गोलंदाजी करण्याची रणनिती ही इंग्लंडमध्ये उपयुक्त ठरेल. मात्र भारतात विशेषकरून उस्मान ख्वाजा सारख्या फलंदाजाविरूद्ध अशी रणनिती अवलंबने मूर्खपणाचे ठरते. ऑफ साईडचे फटके हे त्याचे बलस्थान आहे आज ते आपण पाहिलेच. तुम्ही त्याच्या पॅडच्या दिशने गोलंदाजी का करता. त्याला तर हेच हवं असतं. ख्वाजा संपूर्ण इनिंगमध्ये निवांत फलंदाजी करत होता. ख्वाजावर तोडगा काढला नाही तर तो भारतासाठी डोकेदुखी ठरतो.'
हेही वाचा : नेट बँकिंग खात्यात ठेवा कमी रक्कम...जाणून घ्या कारण
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.