Michael Clarke And Jade Yarbrough: ऑस्ट्रेलियाचा माजी कर्णधार मायकल क्लार्क सध्या चर्चेत आहे. मायकेल क्लार्क आणि त्याची मैत्रीण जेड यारब्रो यांच्यात काही ठीक नाही. नुकताच सोशल मीडियावर एक व्हिडिओ व्हायरल झाला होता, ज्यामध्ये क्लार्कला त्याची गर्लफ्रेंड कानाखाली मारली होती. जेड यारब्रो यांनी मायकेल क्लार्कवर फसवणूक केल्याचा आरोप केला. व्हायरल व्हिडिओमध्ये मायकेल क्लार्क शर्टलेस दिसत असून तो त्याच्यावर लावण्यात आलेल्या आरोपांचे खंडन करताना दिसत आहे.

आता मायकल क्लार्कच्या अडचणीत खूप वाढ झाली आहे. ऑस्ट्रेलियाविरुद्धच्या कसोटी मालिकेबाबत बीसीसीआय मायकल क्लार्कविरोधातही मोठा निर्णय घेऊ शकते. क्लार्क या कसोटी मालिकेसाठी समालोचना पॅनेलचा भाग होता, परंतु आता बीसीसीआय अलीकडील वादाच्या पार्श्वभूमीवर क्लार्कला समालोचन संघातुन वगळले जाऊ शकते. भारत आणि ऑस्ट्रेलिया यांच्यातील चार सामन्यांच्या कसोटी मालिकेतील पहिला सामना 9 फेब्रुवारीपासून नागपुरात खेळवला जाणार आहे.