India vs Bangladesh 1st ODI 2022 : तीन एकदिवसीय सामन्यांच्या मालिकेतील पहिल्या सामन्यात बांगलादेशने भारताचा एक विकेटने पराभव केला. नाणेफेक गमावल्यानंतर प्रथम फलंदाजी करताना भारतीय संघ 41.2 षटकात 186 धावांवर गारद झाला. केएल राहुलने सर्वाधिक 73 धावा केल्या.

प्रत्युत्तरात एकेकाळी टीम इंडिया मजबूत स्थितीत होती. त्याने बांगलादेशचे 136 धावांवर नऊ गडी बाद केले होते. मात्र, यानंतर भारतीय संघाने मैदानावर मोठ्या चुका केल्या आणि सामना हातातून निसट गेला. केएल राहुलने मिराजचा सोपा झेल सोडला. मेहदी हसन मिराज आणि मुस्तफिझूर रहमान यांनी 10व्या विकेटसाठी नाबाद 54 धावांची भागीदारी केली.

मिराज बांगलादेशच्या विजयाचा हिरो ठरला. त्याने एकट्याने आपल्या संघाला विजयापर्यंत नेले. तो 39 चेंडूत 41 धावा करून नाबाद राहिला. त्याचवेळी मुस्तफिझूर नऊ धावा करून नाबाद राहिला. या विजयासह बांगलादेशने मालिकेत १-० अशी आघाडी घेतली आहे.

तत्पूर्वी, नाणेफेक हरल्यानंतर प्रथम फलंदाजी करणाऱ्या भारतीय संघाची सुरुवात काही खास झाली नाही. शिखर धवन च्या स्वरूपात भारताला 23 धावांवर पहिला धक्का बसला. धवनने 17 चेंडूत सात धावा केल्या. यानंतर रोहित शर्माही 27 धावा करून बाद झाला. शाकिबच्या याच षटकात विराट कोहलीही पॅव्हेलियनमध्ये पाठवला. कोहलीने नऊ धावा केल्या. भारतीय संघ 49 धावांत तीन विकेट गमावून संघर्ष करत होता. यानंतर श्रेयस अय्यर आणि लोकेश राहुलने भारताची धावसंख्या 92 धावांपर्यंत नेली. श्रेयसही 24 धावा करून बाद झाला.

पाचव्या विकेटसाठी लोकेश राहुलने वॉशिंग्टन सुंदरसोबत 60 धावांची भागीदारी करून भारताची धावसंख्या 150 च्या पुढे नेली. यानंतर सुंदरही 19 धावा करून आऊट झाला. सुंदर बाद होताच भारताचा डाव पत्त्याच्या घरासारखा कोसळला. शाहबाज अहमद आणि दीपक चहर खाते न उघडताच बाद झाले. शार्दुल ठाकूर दोन आणि मोहम्मद सिराजने नऊ धावा केल्या. कुलदीप सेन दोन धावा करून नाबाद राहिला. बांगलादेशकडून शाकिब अल हसनने पाच आणि इबादत हसनने चार विकेट घेतल्या. मेहदी हसन मिराजला एक विकेट मिळाली. या मालिकेतील पुढील सामना ७ डिसेंबर रोजी ढाका येथील शेर-ए-बांगला स्टेडियमवर होणार आहे.