India vs England Series 2024 : भारत आणि इंग्लंड यांच्यातील पाच सामन्यांच्या कसोटी मालिकेला सुरुवात झाली आहे. हैदराबादमध्ये खेळल्या जात असलेल्या पहिल्या कसोटी सामन्यात इंग्लिश कर्णधार बेन स्टोक्सने नाणेफेक जिंकून प्रथम फलंदाजी करण्याचा निर्णय घेतला आहे.

इंग्लंडने आधीच त्यांची प्लेइंग इलेव्हन जाहीर केली होती. कर्णधार रोहित शर्माने पहिल्या सामन्यासाठी तीन फिरकीपटू आणि दोन वेगवान गोलंदाजांसह जाण्याचा निर्णय घेतला. विकेटकीपर म्हणून केएस भरतवर विश्वास व्यक्त केला आहे.

टीम इंडियाच्या प्लेइंग इलेव्हनमध्ये रवींद्र जडेजा, अक्षर पटेल आणि रविचंद्रन अश्विन यांना फिरकीपटू म्हणून संधी मिळाली आहे. विराट कोहली या सामन्यात खेळत नाही. त्याने पहिल्या दोन सामन्यांतून बाहेर राहण्याचा निर्णय घेतला होता.

त्याचवेळी रोहित शर्मा आणि यशस्वी जैस्वाल सलामी करताना दिसणार आहेत. शुभमन गिल तिसऱ्या क्रमांकावर फलंदाजीला येईल. संघात जसप्रीत बुमराह आणि मोहम्मद सिराज वेगवान गोलंदाज असतील. या दोघांनी गेल्या मालिकेत अप्रतिम गोलंदाजी केली.

बेन फॉक्सलाही इंग्लंडकडून संघात स्थान देण्यात आले आहे. म्हणजेच तो संघासाठी विकेटकीपिंग करेल आणि जॉनी बेअरस्टो संघात फलंदाज म्हणून खेळताना दिसणार आहे. जो रूटचाही संघात समावेश आहे. टॉम हार्टली वगळता इतर सर्व खेळाडू याआधी इंग्लंडकडून खेळले आहेत. म्हणजेच हार्टले या सामन्यात पदार्पण करताना दिसणार आहे. या सामन्यात इंग्लंड बेसबॉलचा कसा वापर करतो हे पाहणे रंजक ठरेल.

पहिल्या कसोटी सामन्यासाठी दोन्ही संघांचे प्लेइंग इलेव्हन -

इंग्लंड (प्लेइंग इलेव्हन) : झॅक क्रॉली, बेन डकेट, ऑली पोप, जो रूट, जॉनी बेअरस्टो, बेन स्टोक्स (कर्णधार), बेन फोक्स (विकेटकीपर), रेहान अहमद, टॉम हार्टले, मार्क वुड, जॅक लीच.

भारत (प्लेइंग इलेव्हन) : रोहित शर्मा (कर्णधार), यशस्वी जैस्वाल, शुभमन गिल, केएल राहुल, श्रेयस अय्यर, रवींद्र जडेजा, भरत (विकेटकीपर), रविचंद्रन अश्विन, अक्षर पटेल, जसप्रीत बुमराह, मोहम्मद सिराज.