Shreyas Iyer Ruled Out Ind vs Nz: भारत आणि न्यूझीलंड यांच्यात उद्यापासून एकदिवसीय मालिका खेळल्या जाणार आहे. याआधीच भारतीय संघाला मोठा धक्का बसला आहे. टीम इंडियाचा फलंदाज श्रेयस अय्यर पाठीच्या दुखापतीमुळे न्यूझीलंडविरुद्धच्या आगामी तीन सामन्यांच्या वनडे मालिकेतून बाहेर पडला आहे. तो पुनर्वसनासाठी राष्ट्रीय क्रिकेट अकादमीत (NCA) जाणार आहे. भारतीय क्रिकेट नियामक मंडळाने ट्विट करून अय्यरच्या दुखापतीबाबत माहिती दिली आहे.
18 जानेवारीला भारत आणि न्यूझीलंड यांच्यातील मालिकेतील पहिला सामना हैदराबादमध्ये खेळवला जाणार आहे. यानंतर दुसरा सामना रायपूरमध्ये 21 जानेवारीला होणार आहे. मालिकेतील शेवटचा सामना 24 जानेवारीला इंदूरमध्ये होणार आहे. यानंतर तीन सामन्यांची टी-20 मालिका खेळल्या जाणार आहे.
श्रेयस अय्यरसाठी गेल्या वर्ष म्हणजे 2022 मध्ये भारतीय संघासाठी वनडे फॉरमॅटमध्ये सर्वाधिक धावा करणारा खेळाडू ठरला. त्याने 17 सामन्यात 724 धावा केल्या. पण या नवीन वर्षाची 2023 ची सुरुवात त्याच्यासाठी चांगली राहिलेली नाही. श्रेयसने श्रीलंकेविरुद्धच्या वनडे मालिकेतील तिन्ही सामन्यांमध्ये 28, 28 आणि 38 धावा केल्या. 2022 च्या अखेरीस श्रेयस अय्यरने दोन कसोटी सामने खेळले.
न्यूझीलंडविरुद्ध भारताचा एकदिवसीय संघ: रोहित शर्मा (कर्णधार), हार्दिक पांड्या (उपकर्णधार), शुभमन गिल, इशान किशन, विराट कोहली, सूर्यकुमार यादव, केएस भरत (यष्टीरक्षक), रजत पाटीदार, वॉशिंग्टन सुंदर, शाहबाज अहमद, शार्दुल ठाकूर, युझवेंद्र चहल, कुलदीप यादव, मोहम्मद शमी, मोहम्मद सिराज, उमरान मलिक.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.