Ind vs Pak Asia Cup 2022 Babar Azam : आशिया कपमध्ये भारत आणि पाकिस्तान यांच्यात खेळल्या जात असलेल्या सामन्यात टीम इंडियाने चांगली सुरुवात केली आहे. पाकिस्तानी चाहत्यांना स्टार फलंदाज आणि कर्णधार बाबर आझमकडून चांगल्या फलंदाजीची अपेक्षा होती, मात्र बाबर आझम भारताविरुद्ध फ्लॉप ठरला. आझमला फक्त 10 धावा करता आल्या आणि डावाच्या तिसऱ्या षटकात बाद झाला.
भारताविरुद्धच्या अपयशामुळे पाकिस्तानचा कर्णधार बाबर आझमला सोशल मीडियावर ट्रोल केल्या जात आहे. चाहत्यांनी त्याला त्याच्या एका ट्विटची आठवण करून दिली, जे त्याने टीम इंडियाचा माजी कर्णधार विराट कोहलीसाठी केले होते. विराट कोहली खराब फॉर्मशी झुंज देत असताना बाबर आझमने विराट कोहलीच्या समर्थनार्थ ट्विट केले होते. लिहिले होते की, ही वाईट वेळही निघून जाईल, तुम्ही मजबूत राहा. आता चाहत्यांनी बाबरला त्याच ट्विटची आठवण करून दिली आणि तुम्हीही मजबूत राहा असे म्हटले आहे.
बाबर आझमचा ड्रेसिंग रुममध्ये बसलेला फोटो व्हायरल झाला आहे, ज्यामध्ये तो खूपच हैराण आणि दुःखी दिसत आहे. लोकांनी मजा केली आणि लिहिले की या सामन्याच्या पहिल्या अर्ध्या तासात बरेच काही घडले आहे, ऋषभ पंत संघाबाहेर आहे, रिव्ह्यू देखील घेतले जात आहेत आणि आता बाबर आझम बाहेर आहे.
भारताची प्लेईंग इलेव्हन :
रोहित शर्मा (कर्णधार), केएल राहुल, विराट कोहली, सूर्यकुमार यादव, हार्दिक पांड्या, दिनेश कार्तिक, युझवेंद्र चहल, रविंद्र जडेजा, भुवनेश्वर कुमार, आवेश खान, अर्शदीप सिंग
पाकिस्तानची प्लेईंग इलेव्हन :
बाबर आझम (कर्णधार), मोहम्मद रिझवान, फखर झमान, इफ्तिकार अहमद, खुशदील शाह, आसिफ अली, शादाब खान, मोहम्मद नवाज, नसीम शाह, हारीस रौफ, शहानवाज दहानी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.