India vs South Africa t20 world cup : टी-20 विश्वचषक 2022 मध्ये भारतीय संघाला दक्षिण आफ्रिकेविरुद्ध पाच विकेट्सने पराभव पत्करावा लागला. पर्थमध्ये रविवारी खेळल्या गेलेल्या या सामन्यात टीम इंडियाने दक्षिण आफ्रिकेला 134 धावांचे लक्ष्य दिले होते, जे त्यांनी दोन चेंडू शिल्लक असताना पूर्ण केले. सध्याच्या टी-20 विश्वचषकातील भारतीय संघाचा हा पहिलाच पराभव आहे. या पराभवामुळे भारतीय चाहते निराश झाले नाही. या पराभवात काही तरी दडले आहे जे 15 वर्षांची प्रतीक्षा संपवू शकते.

भारतीय संघ 2007 नंतर दुसऱ्यांदा टी-20 विश्वचषकावर कब्जा करू शकतो. दक्षिण आफ्रिकेविरुद्धच्या या पराभवाने 2011 च्या एकदिवसीय विश्वचषक स्पर्धेची पुनरावृत्ती केली आहे, जिथे भारतीय संघ एमएस धोनीच्या नेतृत्वाखाली चॅम्पियन बनण्यात यशस्वी झाला होता. 2011 च्या विश्वचषकात दक्षिण आफ्रिकेने भारताविरुद्ध विजय मिळवला होता. त्यानंतर भारताने एकही सामना गमावला नाही. त्या 50 षटकांच्या विश्वचषकात भारताने दक्षिण आफ्रिकेला 297 धावांचे लक्ष्य दिले होते, जे आफ्रिकन संघाने दोन चेंडू बाकी असताना पूर्ण केले. यावेळीही दक्षिण आफ्रिकेने 2 चेंडू राखून टी-20 विश्वचषक जिंकला आहे. म्हणजेच 2011 च्या विश्वचषकाचा योगायोग पुन्हा एकदा घडला आहे.

2011 च्या विश्वचषकातही इंग्लंडचा आयर्लंड संघाकडून पराभव झाला होता. यावेळीही टी-20 विश्वचषकात आयर्लंडने डकवर्थ लुईस नियमानुसार इंग्लंडचा पाच धावांनी पराभव केला. टी-20 विश्वचषकापूर्वी भारताने अधिकृतपणे दोन सराव सामने नियोजित केले होते. पहिला यजमान ऑस्ट्रेलियाविरुद्ध आणि दुसरा न्यूझीलंड संघाविरुद्ध होता. 2011 च्या विश्वचषक स्पर्धेतही भारताने ऑस्ट्रेलिया आणि न्यूझीलंडविरुद्ध सराव सामना खेळला होता.

विशेष बाब म्हणजे 2011 च्या विश्वचषकात नेदरलँड आणि बांगलादेशचा संघ भारताच्या गटात होता. या सर्व योगायोगाने भारतीय संघ 2011 च्या विश्वचषकाप्रमाणे या वेळीही जेतेपद पटकावू शकतो.