टीम इंडियाचा स्टार क्रिकेटपटू विराट कोहलीने आयसीसी वर्ल्ड कप 2023 मध्ये दक्षिण आफ्रिकेविरुद्धच्या सामन्यापूर्वी टीम हॉटेलमध्ये केस कापून घेतले. आज कोलकात्याच्या ईडन गार्डन्सवर भारत आणि दक्षिण आफ्रिका यांच्यातील सामना रंगणार आहे. या सामन्याच्या एक दिवस आधी बेंगळुरूच्या एम चिन्नास्वामी स्टेडियमवर वर्ल्ड कप 2023 चा अत्यंत महत्त्वाचा सामना खेळला गेला. पाकिस्तानने पाकिस्तान विरुद्ध न्यूझीलंड सामना जिंकून विश्वचषक 2023च्या उपांत्य फेरीत पोहचण्याची आशा जीवंत ठेवल्या आहेत.

भारत विरुद्ध दक्षिण आफ्रिका सामन्याच्या दिवशी विराट कोहली आपला 2023 वा वाढदिवस देखील साजरा करत आहे. वाढदिवसापूर्वी केस कापण्यासाठी गेलेला विराट कोहली मोबाईलवर पाकिस्तान विरुद्ध न्यूझीलंड सामन्याचा आनंद घेताना दिसला. विराटचा हा सामना पाहातानाचा फोटो सोशल मीडियावर झपाट्याने व्हायरल झाला.

भारत आणि दक्षिण आफ्रिका हे दोन्ही संघ विश्वचषक 2023 च्या उपांत्य फेरीसाठी पात्र ठरले आहेत, तर ऑस्ट्रेलिया पात्र ठरणे जवळपास निश्चित आहे. सेमीफायनलमध्ये पोहोचणारा चौथा संघ म्हणून पाकिस्तान, न्यूझीलंड आणि अफगाणिस्तान यांच्यात कडवी स्पर्धा होऊ शकते. वर्ल्ड कप 2023 मध्ये टीम इंडिया हा एकमेव असा संघ आहे, ज्याने आतापर्यंत एकही सामना गमावलेला नाही. तर दुसरीकडे दक्षिण आफ्रिकेला नेदरलँड्सविरुद्ध पराभवाला सामोरे जावे लागले.

दक्षिण आफ्रिका सध्या दमदार फॉर्ममध्ये असून अशा परिस्थितीत भारत विरुद्ध दक्षिण आफ्रिका सामना अतिशय रोमांचक ठरू शकतो.

विराटच्या वाढदिवसाबद्दल बोलायचे झाले तर तो भारताच्या विजयासह त्याला आणखी खास बनवू इच्छितो. विराट कोहलीच्या खात्यात 48 वनडे शतके आहेत आणि जर त्याने आज दक्षिण आफ्रिकेविरुद्ध शतक झळकावले तर तो वनडेत सर्वाधिक शतके ठोकण्याच्या बाबतीत सचिन तेंडुलकरच्या विश्वविक्रमाशी बरोबरी करेल. गेल्या तीन सामन्यांत दोनवेळा शतकाच्या जवळ पोहोचून विराट बाद झाला आहे. त्याने न्यूझीलंडविरुद्ध 95 आणि श्रीलंकेविरुद्ध 88 धावांची खेळी केली होती.