Ishaan Kishan Took Impossible Catch IND vs SL : भारत आणि श्रीलंका यांच्यातील तीन सामन्यांच्या टी-20 मालिकेतील पहिला सामना भारताने दोन धावांनी जिंकला. हार्दिक पांड्याच्या नेतृत्वाखाली टीम इंडियाने विजयी सुरुवात केली आहे. प्रथम फलंदाजी करताना भारताने श्रीलंकेसमोर 163 धावांचे लक्ष्य ठेवले होते. प्रत्युत्तरात श्रीलंकेचा संघ 160 धावा करू शकला आणि सामना दोन धावांनी गमावला. यासह टीम इंडियाने तीन सामन्यांच्या मालिकेत 1-0 अशी आघाडी घेतली आहे.

मुंबईच्या वानखेडे स्टेडियमवर खेळलेल्या या सामन्यात संघाचा यष्टीरक्षक फलंदाज इशान किशनने श्रीलंकेचा फलंदाज चारिथचा जबरदस्त झेल टिपला. हा व्हिडिओ सोशल मीडियावर व्हायरल होत आहे.

श्रीलंकेच्या डावाच्या 8व्या षटकात डावखुरा फलंदाज असलंकाने वेगवान गोलंदाज उमरान मलिकच्या चेंडूवर हवेत शॉट खेळला. चेंडू बॅटच्या मध्यभागी लागला नाही आणि विकेटच्या मागे गेला. इशान किशनने बिबट्याच्या वेगाने धावत अप्रतिम झेल घेत त्याला पॅव्हेलियनचा रस्ता दाखवला.

सोशल मीडियावर व्हायरल होत असलेला हा झेल पाहून चाहते खूप कमेंट करत आहेत. ऋषभच्या अनुपस्थितीत इशान किशनची जीव तोडून विकेटकिपिंग करत आहे. दरम्यान, भारताचा माजी गोलंदाज इरफान पठाणनेही इशान किशनच्या या झेलचे कौतुक केले आहे आणि हा अलीकडच्या काळातील सर्वोत्तम झेल असल्याचे म्हटले आहे. पठाणने ट्विटरवर लिहिले, “अलिकडच्या काळात यष्टिरक्षकाने घेतलेला सर्वोत्तम झेल. ईशान किशनने अप्रतिम काम केले.