India a vs Pakistan Emerging Asia Cup 2023 : आशिया करंडक इमर्जिंग क्रिकेट स्पर्धा सुरू आहे आणि त्यातील सर्वात उत्कंठा असलेली भारत-पाकिस्तान लढत आज होत आहे. अ गटात समावेश असलेल्या या दोन संघांचा उपांत्य फेरीतील प्रवेश निश्चित आहे. कदाचित अंतिम सामन्यात पुन्हा सामना होऊ शकतो; मात्र त्याअगोदर एकमेकांना आजवण्याची संधी आजच्या सामन्यातून मिळणार आहे.

भारतीय संघात कसलेले खेळाडू आहेत. यश धुल कर्णधार आहे. त्याच्या नेतृत्वाखाली भारतीय संघाने १९ वर्षांखालील विश्वकरंडक स्पर्धेत विजेतेपदही मिळवलेले आहे. त्याच्या साथीला ध्रुव जुरेल, साई सुदर्शन, अभिषेक शर्मा असे फलंदाज आहेत. या सर्वांकडे आयपीएलचाही अनुभव आहे. त्यामुळे त्यांची भारतीय संघात निवड करण्यात आलेली आहे.

गोलंदाजीत राजवर्धन हंगरगेकरवर वेगवान गोलंदाजीची मदार आहे. तोही १९ वर्षांखालील विश्वविजेत्या संघाचा खेळाडू आहे. त्यामुळे पाकविरुद्धच्या या सामन्यात भारताचे पारडे जड आहे.

भारताने पहिल्या दोन साखळी सामन्यात अमिरातीचा आठ विकेटने; तर नेपाळचा नऊ विकेटने पराभव केलेला आहे; तर पाकने नेपाळवर चार विकेटने आणि अमिरातीवर १८४ धावांनी मात केलेली आहे.

भारत विरुद्ध पाक

• ठिकाण : कोलंबो, वेळ : दुपारी २ पासून

• थेट प्रक्षेपण : स्टार स्पोर्टस नेटवर्क