India Vs Australia Test Series : ऑस्ट्रेलियाचा कसोटी संघ भारतात बॉर्डर गावसकर ट्रॉफी खेळण्यासाठी भारतात दाखल झाला आहे. 1 फेब्रुवारीलाच ऑस्ट्रेलियाचा संघ भारतात दाखल झाला असून सध्या ते बंगळुरू येथे भारतीय वातावरणाशी जुळवून घेण्यासाठी कॅम्प करत आहेत. ऑस्ट्रेलिया भारत सराव सामना खेळणार नाहीये.
भारताच्या दौऱ्यावर असलेल्या ऑस्ट्रेलिया संघासमोर कसोटी मालिकेसाठी भारतीय फिरकीपटूंचे मोठे आव्हान असणार आहे. भारताचा अव्वल गोलंदाज आर. अश्विन कसोटीत सर्वाधिक यशस्वी गोलंदाज आहे.
त्याचा भारतात मुकाबला करणे सोपं नाही. हेच हेरून कांगारूंनी एक रणनिती आखली आहे. कांगारूंनी अश्विनसारखाची अॅक्शन असलेला त्याचा डुप्लिकेट नेट बॉलर म्हणून पाचारण केला आहे.
बंगळुरू येथे सुरू असलेल्या सराव सत्रात कांगारूंना अश्विनची बॉलिंग खेळणे सुलभ व्हावे यासाठी महीश पिथिया याची मदत घेत आहेत. 21 वर्षाच्या महीशने बडोद्याकडून गेल्या वर्षी डिसेंबरमध्ये प्रथम श्रेणी क्रिकेटमध्ये पदार्पण केले आहे.
युवा महीशच्या फोनमध्ये त्याचा आयडॉल आर. अश्विनच्या फोटोंचा भरणा आहे. त्याला एक दिवस अश्विनसारखं व्हायचं आहे. मात्र सध्या तो त्याच्या आयडॉललाच टॅकल करण्यासाठी कांगारूंची मदत करतोय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.